方健儀正式進駐二千萬豪宅貫徹主播本色搬屋不忘開Live苦了「幕後」老公

更新時間：12:00 2023-08-09
發佈時間：12:00 2023-08-09

現年46歲的方健儀（Akina）2012年離巢TVB，結束6年的新聞主播生涯，近年成功轉型做KOL及活動司儀，獲不少活動和廣告商垂青，吸金力強。方健儀與無綫新聞工程人員丈夫洪楚恆2010年結婚，一直住在馬鞍山，3年前以1850萬購入位於大圍的柏傲莊，並於去年底收樓，記者出身的方健儀當時已拍片開箱，近日她宣布正式入住新居，並分享一張望住河景的照片寫上：「新一頁！」在此之前，她更開Live直擊報道搬屋戰況！

【相關閱讀】：方健儀離新聞主播行列原來已經11年瓣數多多身家3級跳係人生勝利組

【點擊睇方健儀搬屋靚相】：

方健儀在正式入住新居前不忘在舊居大廳進行最後一次「馬鞍山大姨媽」直播，只見家中仍然相當凌亂，雜物極多，她也笑言執屋進度非常緩慢，並指相信要通宵通行，她說：「好彩我哋呢度未租出去，慢慢以螞蟻搬家形式運去新屋。呢度由2010年10月10日結婚之後就開始住，已經住咗接近13年，明明新居比而家呢度實用面積大少少，但硬係覺得新屋裝唔晒，仲要租咗迷你倉，真係好諷刺！」她們的新居為一個三房兩廁單位，全屋實用面積754呎，呎價約24,532港元。

她回憶起13年前搬進這屋苑，大讚第一感覺已經非常喜歡，因外望吐露港景色，冬暖夏涼，更說：「我唔排除將來退休會返番嚟住，因為入住時仲做緊傳媒，後來轉去ICAC做公關再跳出嚟，經歷過最重要嘅兩、三個關口。我覺得呢度幾旺我，唔信風水命理但信感覺，好順心！」不少網民都想租住其「風水屋」，但方健儀稱：「我未決定租出去定畀屋企人，但阿爸阿媽屋企可能要裝修，都可能要畀佢哋暫住一段時間先。」有網民提醒農曆七月將至，不宜搬遷，她則稱已為滿足「四大長老」，所以會盡快完成搬遷。