沈卓盈穿小背心湊仔陷入走光邊緣事後一個舉動成功挽救危機

更新時間：18:00 2023-08-12
發佈時間：18:00 2023-08-12

現年41歲的沈卓盈於2019年與家族經營內衣生意的富貴男友Calvin結婚，兒子Jayden已經兩歲大，她不時在社交網貼出湊仔相，大晒溫情。沈卓盈今日（12日）在社交網分享帶囝囝去田徑場的照片，見到小朋友穿上成套卡通圖案的衫褲，玩到頭濕臉紅紅，被沈卓盈抱住時，更咀嘴冧媽媽。不過沈卓盈的一身打扮就睇到令人擔憂，稍有不慎隨時陷走光邊緣。

【相關閱讀】：沈卓盈41歲泳裝生日船P有6美女相伴陳自瑤俯前騷事業線搶壽星女風頭

【點擊睇沈卓盈小背心湊仔】：

穿上低胸黑背心的沈卓盈，抱起兒子放到大腿上，兩母子多度咀嘴，非常溫馨。但沈卓盈每一下動作，都導致領口移位，未知是否發現問題，沈卓盈上載的影片中，就以心心圖案遮起胸部位置，以策安全。她寫道：「其實趁暑假呢段時間每天去了不同的地方，陪他一起踢踢波、游下水、遊樂場等等數不完的節目，原來呢個電兔小朋友真係有放不完的電，阿媽表示攰爆嘅時候，只要畀佢錫返幾啖～～不知那來的電力又回來了（女人真係易𠱁），見你咁識做就錫返你啦⋯⋯係時候要好好整理吓啲相開始post了 #爸媽一齊放暑假 #撐住呀」。