選美考古丨「金牌司儀」何守信做足15屆自嘲似食女人飯 1987年最強陣容有兩個影帝
發佈時間：09:00 2023-08-14
每年香港小姐盛產不少美女，若果要數冠軍中的冠軍，一定是1977年的冠軍朱玲玲莫屬。不過一個令人難忘的選美，除了有高質的佳麗外，司儀的人選亦相當重要！在香港小姐的選美史上，被喻為「金牌司儀」的何守信，可算是香港小姐選美史上，其中一個最重要的人物，何守信從由1973年開始，連續15年擔任《香港小姐競選》的大會司儀，其後在1988年因為移民到加拿大的關係，1987年的香港小姐，是何守信最後一屆擔任司儀。
【相關閱讀】：選美考古丨89年亞軍朱潔儀曾被落選佳麗勸退賽 息影專注藝術獲封「港姐畫家」
【點擊睇歷屆最強司儀陣容】：
1987年《香港小姐競選》一直被喻為歷來最高質素的一屆，除了楊寶玲李美鳳、林穎嫺和張鳳妮之外，還有邱淑貞、關秀媚、黃鶯等等，全部都是高質美女。原來這一屆的司儀陣容相當強勁，除有何守信外，還有周潤發、甘國亮、謝賢、岑建勳、楚原、楊群、鍾景輝和鍾鎮濤合共9人。在宣佈三甲佳麗前夕，大會更安排了一個特備環節，由六叔邵逸夫親自頒贈一面港姐金牌給何守信，感謝他多年來對港姐的付出。
何守信曾經在台上說：「15年嘅港姐的確唔易做，我自己入咗電視呢個行都有大半生，諗落都好似成日食女人飯，因為我做咗15年港姐，面對咗440個靚女，啲糧全部都喺嗰度出，所以都係女人飯多啲！好彩嗰啲飯有時都幾難哽，唔會係軟飯，所以個胃都還好。香港小姐好似係我喺電視圈嘅跳板，我好僥倖係跳過咗，成為電視人，我希望呢槐板會變做一條橋，將電視同觀眾溝通，亦可以令有志嘅人入行，不過希望入咗嚟之後，可以踏踏實實，如果輕浮啲嘅話，係好易跌落海。」
賭王都做過司儀
除了何守信外，歷屆亦有不少司儀令人感到驚喜，已故賭王何鴻燊曾經在1985年擔任司儀，當時在泳裝問答環節上，大讚王愛倫鼻子與自己一樣，又高又直，表示對方一定很率直又熱情，後來賭王問王愛倫：「試幻想一下，如果喺呢個時刻，現場所有人都全部停頓，但係得我一個人可以郁，你估我會做啲乜嘢？」王愛倫偷笑後回答：「我諗你會錫我！」兩人風趣的互動，令在場觀眾拍爛手掌！
周星馳玩IQ題
在1992年港姐決賽，周星馳亦在最後五強問答環節上擔任司儀，當時他以無厘頭的IQ題考起5位佳麗，其中包括有盧淑儀。當時周星馳第一條IQ題問：「讀完香港大學要幾多時間？」張雪玲自信滿滿答：「3年！」殊不知周星馳即刻表示答錯並說：「係一秒都唔使，香港大學4個字！」接着他再問：「點解華盛頓斬完棵櫻桃樹，佢爸爸唔即時責罰佢？」當時5位佳麗全部不敢回答，周星馳說：「當時華盛頓手上仲有把斧頭，爸爸驚個仔用斧頭劈佢！」，後來他又再出題目：「有人一手喺14樓推部冷氣機落樓，點解部冷氣機即刻變咗『空氣』？」可惜依然沒有人搶答，周星馳唯有開估說：「答案係殺人兇器！」最後周星馳再問：「1加1等如幾？」結果只有盧淑儀豁出去說：「2！」結果答啱，場面相當搞笑！
【其他文章】：
選美考古丨85年港姐冠軍謝寧係首位內地出生佳麗 曾被改花名「謝燦」獲才子反擊
選美考古丨84年港姐冠軍高麗虹與洪金寶發展師徒戀 為一事堅決不生育
選美考古丨「最高質一年」港姐中奪亞軍 李美鳳曾遭前夫林敏驄嘲「釣到大龍躉」 嫁富商後歷人生最低潮
選美考古丨89年亞姐冠軍翁虹曾與選美皇后係好姊妹 突關係破裂不再是朋友
選美考古丨選美皇后楊寶玲三度結婚愛得甜蜜 靚足36年身家豐厚成「最強冠軍」
選美考古丨81年港姐冠軍羅佩芝因一事被褫奪資格 認貪慕虛榮想尋死
選美考古丨1976年港姐冠軍林良蕙返英定居絕迹娛圈 得獎失控大笑叫人難忘
選美考古丨74年港姐冠軍張文瑛遭紅斑狼瘡煎熬23年再患腸癌 曾出書紀錄奪冠秘訣
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
