獨家丨顏仟汶心情低落出po：對不起我無用 患上抑鬱症八年呻未能擠進《中年2》
發佈時間：20:52 2023-08-13
《中年好聲音2》108強已曝光，52歲患上抑鬱症8年嘅顏仟汶未能入圍，唔能夠接受殘酷事實的她心情跌落谷底怪自己冇用，還表示對不起老父，她在社交網，用黑底黯淡水點背景襯白字，出po寫道「對不起我無用，讓支持我的失望了，爸爸對不起，我心情真的很難過。」表達了失落感，唔少圈中朋友如莫鎮賢、徐榮及網民等都留言鼓勵她加油說「失敗過先會成功，加油努力」、「提起精神，加油」、「失敗唔緊要，企返起身再嚟過」、「平常心加油女神」...《星島頭條》向顏仟汶了解，她用簡單文字回應：「心情未平伏，但多謝你(關心)。」之後沒有回應，看來心情依然沉重。
顏仟汶選唱梅艷芳嘅《蔓珠莎華》出戰《中年2》海選，而她曾接受《星島頭條》獨家訪問時，曾提到參賽係為自己大平反，因為不甘觀眾只記得她拍過3級片，厭惡被指「艷星」兩字，希望藉以能更加豐富人生，加入啲新嘢，令人會自動自覺唔寫嗰啲嘢(3級片)！所以一鼓作氣報名參加《中年2》洗底，訪問時她還跪求觀眾：「大家鍾意咪畀兩吓掌聲，唔鍾意都唔好踩多兩腳。」
顏仟汶15歲曾參加《新秀》，1989年19歲的顏仟汶於TVB藝訓班畢業，1996年離開TVB後一度退出娛樂圈，98年轉投ATV，再因替雜誌拍性感照被炒，只做咗10個月亞視人。由2000年開始，4年內拍咗《獸性新人類》及《色慾中環》等20多套3級片為患癌父籌醫藥費。對於名字長期連住3級片，訪問時她不甘反擊：「我喺TVB拍過多套劇，近年劇作《一舞傾城》、《家族榮耀》、《黑金風暴》、《獅子山下的故事》都被讚，讚我喺《一舞》媽媽生角色演得入型入格；《家族》客串3場戲都肯演…但無奈又係focus嗰20幾套電影，都係20幾年前嘅事啦。」
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
