細貓應智越否認出軌被舊愛轟講大話 Kero舉證狙擊到底：我絕唔會罷手
發佈時間：11:30 2023-08-19
ViuTV選秀節目《全民造星》出身的29歲應智越（細貓），早年為回韓國完成大學課程而婉拒加入男團MIRROR，直到2019年以獨立歌手身份出道，上月中他與古巨基合唱的《心跳回憶》正式上架，同時被拍拖兩年半的模特兒前度Kero爆出軌，第三者疑是Edan（呂爵安） 歌曲《ChatMrE》MV中的女主角陳伊霖，二人傳因合作音樂舞台劇《得個夢、冇銀用》撻着。昨日（18日）細貓現身首映時否認出軌，堅稱每次都是結束後才開始新戀情，但承認今次處理不夠好，未料晚上Kero再於IG Story作出反擊！
【相關閱讀】：細貓應智越被爆偷食Edan MV女主角！模特兒女友撰長文控訴 IG以54字回應
【點擊睇Kero證據】：
細貓受訪時，表示並非有心傷害人，希望向受影響的所有人道歉，並謂已沒跟前度聯絡，但坦承陳伊霖在事發後有致電關心，又強調目前單身，自覺未是時候拍拖。不過，Kero似乎不接受其道歉，更於IG Story留言大爆對方講大話：「本來覺得件事應該完結，大家各自有自己生活。畢竟日日諗起你點樣背叛自己，都唔係一件輕鬆嘅事。你重視事業我理解，但你要顛倒黑白我係絕對唔會罷手。我將成條時間線同所有證據放出嚟，等大家睇吓你有無講大話。」
隨後，Kero貼出與「爆料者」的短訊對話截圖，其中爆料者指，6月30日在九展附近目擊細貓與一名女子會合，當時細貓更衝埋去攬實女子。對此，Kero寸爆說：「若要人不知，除非己莫為。歡迎記者朋友拎住呢張相去問吓應先生係咪真有其事？如果佢有被屈嘅一定要開記招擊鼓鳴冤。真相係越辯越明，唔係你幾句語言藝術可以輕易過骨。等佢砌多兩個大話出嚟，再慢慢將條時間線延長。」最後她以「待續」二字作結，估計還會陸續發功爆料，實行狙擊到底！
【其他文章】：
藍色巨星首映丨6號＠RB早知隊友泥鯭娶黃心穎 拒代通知婚期留主人家宣布
得個夢。冇銀用丨雷有暉後生愛跳舞差啲加入草蜢 細貓只愛女生男人免問
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
