薛家燕「登基」粵語版《FLOWER》掀熱話容祖兒安德尊爭相模仿超爆笑

更新時間：15:15 2023-08-19
發佈時間：15:15 2023-08-19

韓國女團BLACKPINK成員Jisoo今年3月推出首支Solo歌曲《FLOWER》，旋即掀起全球大跳「開花舞」熱潮，現年73歲的薛家燕上周六（12日）出席《家燕媽媽藝術中心暑期繽紛大匯演2023》期間，亦率領旗下一眾學員跳唱《FLOWER》，更誠意十足將歌詞改為廣東話，引起網民熱烈討論，連一班藝人都爭相拍片模仿！

【相關閱讀】：薛家燕大灣區連買兩單位只需呢個價直呼「好抵買」圈中富婆傳身家過億

【點擊睇薛家燕版《FLOWER》】：

當日薛家燕穿上鮮紅金光閃閃上衣加金褲，與學員們在台上神還原「開花舞」，其後表演片段於網上流出，一眾網民大讚薛家燕年過70依然寶刀未老：「咁嘅年紀其實跳得唔錯」、「唔該家燕媽媽Cover多啲Kpop，真係好正，好似啲皇帝登基大典喜慶曲目一樣」等，不少人更指廣東話版「若是無心栽種被遺忘，你要全心愛護去善待，若問用心栽種會如何，載滿了愛心花會天天開」歌詞超洗腦，亦有人笑指甚有《皆大歡喜》的味道。

吳保錡唱上腦

日前，男團ERROR成員吳保錡（Poki）自拍唱廣東話版《FLOWER》，表示「呢首歌好好聽，上咗腦」，並擅自將歌名改為《花開富貴》，他更揚言：「有5萬likes，會出跳唱版，如果想我拍，就記得share同like同留言呀。」連薛家燕都爆笑留言：「有5萬likes通知我。」之後，索爆人妻張美妮又聯同《流行都市》拍檔安德尊（大王）合拍跳唱片，她打趣道：「原來家燕姐唔只跳十字步叻，跳開花舞都咁正，我同大王又要學！」片中還有李家鼎（鼎爺）客串，露出「鄙視」樣的他引起網民大笑：「鼎爺都頂你哋唔信，想爆粗」、「俾你哋兩個吹脹」、「鼎爺先係主角」。

不過最意想不到的，是天后級的容祖兒日前亦於《ANOTHER SIDE...... JOEY · MY SECRET · LIVE》演唱會期間，帶頭與一班和音團模仿廣東話版《FLOWER》，她更搞笑表示再加薛家燕招牌舞蹈「十字步」，有網民睇過片段建議：「邀請家燕姐Battle」、「俾你哋笑死啦洗腦版flower」、「永世難忘的家燕花花，好痴線，好鍾意」。