鍾鎮濤13歲孻女鍾幗極速飆高飄少女味 外貌酷似家姐鍾懿「童年放大版」
更新時間：17:00 2023-08-19
發佈時間：17:00 2023-08-19
發佈時間：17:00 2023-08-19
字體大小
溫拿樂隊月初假紅館舉行《溫拿情不變．說再見 Farewell with Love 演唱會》，鍾鎮濤連場邀得19歲女兒鍾懿擔任表演嘉賓，見觀眾報以熱烈掌聲，作為爸爸的他大感自豪，稱若囡囡想當歌手必定支持。演唱會於13日落幕，太太范姜素貞昨（18日）於社交網貼出後台合照，驚見孻女鍾幗（Eloise）暴風式成長！
【相關閱讀】：溫拿演唱會｜破樂隊紅館開騷紀錄 譚詠麟自封實力派天花板頂流天團
【點擊睇鍾鎮濤細女】：
鍾鎮濤曾有兩段婚姻，與首任妻子章小蕙誕下兒子鍾嘉浚及女兒鍾嘉晴，二人於1997年結束九年婚姻，大仔早年隨媽咪到美國生活，女兒鍾嘉晴則由爸爸撫養，2014年他與現任妻子范姜素貞在峇里島結婚，育有大女鍾懿和孻女鍾幗，鍾嘉晴與兩個妹妹一直感情要好，今年1月鍾幗13歲生日，兩個家姐更啜爆細妹面珠賀壽。
羨慕家姐出歌
鍾懿自幼充滿表演慾，細細個已跟爸爸上台表演兼出合唱歌《閃閃星辰》，11歲便揚言長大後做明星，鍾鎮濤曾大爆當時年僅6、7歲的鍾幗不是味兒：「佢有少少情緒，不明白為何姐姐可以玩（出合唱歌），佢就冇份。我再睇時機，畢竟鍾幗不如姐姐鍾懿嘅職業水準，如果鍾意都會畀佢出吓鏡、開演唱會都可以畀佢上台玩吓。」
相較之下，鍾幗作風越大越低調，父母亦偶爾在細女生日於社交網分享慶生照，日前范姜素貞公開多張演唱會後台合照，相中所見，長大不少的鍾幗已高過爸爸膊頭，穿上貼身Tee加牛仔褲，少女味十足，樣子更酷似鍾懿童年的「放大版」，相信過多幾年便跟家姐一樣靚女。
【其他文章】：
溫拿演唱會｜鍾鎮濤19歲女鍾懿獻唱冇丟架 陳友三代同堂Jam歌孫仔女萌爆
鍾鎮濤孻女鍾幗撞樣老竇後生戇直樣 喜感十足與家姐氣質各有不同
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
