82歲蔡瀾中氣十足爆粗鬧倪匡黃霑自揭為救愛妻「粉身碎骨」手尾長

更新時間：16:00 2023-09-02
發佈時間：16:00 2023-09-02

人稱「四大才子」之一的82歲蔡瀾今年3月突宣布因抱恙暫停更新社交網，4月中再蒲頭交代「跌了一跤，把股頸骨摔碎了」而要做手術，消失4個半月後，前晚（31日）有網民表示在馬來西亞偶遇久未露面的「老先生」蔡瀾。片中所見，以輪椅代步的蔡瀾樣貌明顯蒼老不少，且在炎熱天氣下仍穿厚外套、圍頸巾，令人擔心其身體狀況，原來此行他是到吉隆坡出席自己的《草草不工》慈善書法展開幕，席間在座談會分享近況之餘，好友「紅姑」鍾楚紅亦以黑色透視裝現身撐場。

【相關閱讀】：82歲蔡瀾最新近況曝光！坐輪椅現身大馬蒼老不少 4月自揭跌倒碎骨手尾長

【點擊睇蔡瀾書法展】：

活躍於文壇多年的蔡瀾與金庸、倪匡、黃霑份屬好友，合稱為「香港四大才子」，惜另外三人已相繼離世。昨日（1日）在座談會上，被問到若倪匡和黃霑「活生生」站在眼前，有何說話跟對方講？蔡瀾中氣十足爆粗笑道：「我X你老X！走得咁快，唔等我一齊。」令全場大笑。問到若是年輕人可想過從事甚麼行業？他說：「大多我都做到了，有一件事我很想做但做不到，就是開青樓（即妓院）。」

提到早前股頸骨傷患，蔡瀾透露是因救太太張瓊文而不慎整傷，他打趣道：「呢個老婆真係箍住我條頸，箍咗幾十年。佢已經84歲，佢（之前）跌倒，我衝去救佢嘅時候，我自己又跌倒，但佢（傷勢）就過咗嘞，我就骨頭斷晒，嗰段時間好慘，痛苦，後來我記得倪匡先生一句話：『呢啲痛苦係真嘅痛苦，真嘅痛苦如何克服佢呢？就係食『逼你痛』，一粒唔夠食兩粒，當花生食，呢個就會醫你嘅生理痛苦。其他心理痛苦係諗出嚟嘅，如果你唔去諗就冇事』，所以我盡量唔諗。」然而4月於社交網發文時，蔡瀾自言碎骨手尾長：「醫生即刻為我換了一塊金屬的，當今在醫院休養。這一病，手尾很長。」