石天欣圓亡母遺願捐大體做無言老師安排家中善終歷盡艱辛

更新時間：21:33 2023-09-04
發佈時間：21:33 2023-09-04

石天欣因接連在多部劇集中被「強姦」，被網民稱為「被姦專業戶」，最終她於2014年離巢TVB，兩年後與拍拖四年的Jacob結婚，婚後隨老公定居美國生活，今年6月她在社交網透露喪母消息，撰長文指母親罹患大腸癌四期，雖然自己一度返港照顧媽媽，但母親最終撒手人寰。

【相關閱讀】：石天欣急返港照顧患癌母親罹患大腸癌四期靠睇MIRROR止痛

【點擊睇石天欣與母親相處點滴】：

昨日（3日）是石媽媽的生忌，石天欣打了一篇近2000字的長文悼念，透露母親的遺願是做無言老師，因此作出特別安排完成媽媽的遺願，並捐出38,000元予癌症基金會，幫助有需要的人。

在全文一開首，石天欣先祝媽媽生日快樂，又表示非常掛念母親，又承諾會努力活得更好。石天欣又剪了一條片送給媽媽做生日禮物，更稱會嘗試尋找其他令她想生活落去的理由：「由於Daisy（石母）嘅願望係做到無言老師，而我知道做無言老師係唔可以經過解剖，所以我安排咗在家離世，由於在呢樣嘢都唔算普及，有冇咩宣傳，所以其他人聽到我哋嘅做法之後，都覺得原來可以咁㗎？有啲咁嘅嘢咩？如果係有需要嘅情況，我都會推介在家離世，因為喺屋企一定會舒服啲、開心啲、靜啲，屋企人又可以隨時隨地見到，可以親自親手照顧佢。」

石天欣撰長文解釋程序

石天欣續言：「我只係想同大家介紹呢樣嘢，由於如果病人唔喺醫院或者院舍離世，正常都係需要俾法醫解剖，所以如果首先安排在家離世，就可以喺屋企人離開之後，叫返主診醫生上門簽死亡證，然後殯儀公司安排行街紙，就可以直接由屋企帶去需要去嘅地方。」石天欣之後繼續解釋：「當然如果有需要，唔能夠留喺屋企寧養，都係需要入院接受協助，但如果病人唔想進行急救，就要喺病人清醒嘅時候簽定一份預設醫療指示，定立是否及如何急救，但因為制度未完善，所以如果需要去醫院，叫白車救護人員係唔會跟隨醫療指示，必須自行去醫院及提供正本，等醫療人員知道病人自己設立嘅決定，好多長輩都好佩服我咁樣安排，因為佢哋都覺得留喺屋企會係最舒服，我都好慶幸自己有咁樣做到，令自己唔需要後悔，喺佢離開嘅時候唔喺佢身邊。」

石天欣剪短片紀念最後時光

為紀念與母親最後的時光，石天欣剪輯一條今年3月與媽媽到英法旅行的影片，並上載到社交頻道。片中見到石天欣與媽媽由落機開始影影影，二人坐開篷觀光巴士，又參觀博物館，更到訪當地的超級市場，石天欣十分孝順為母親下廚。

雖然石母抱病外遊，但在行程中一直打起精神，跟住女兒石天欣四處觀光，而片末見到石媽媽身體出現不適，其腫瘤長大壓住膽管，在膽汁未能正常運作下，應醫生建議提早結束行程，早了三星期返港，回來後即入院做手術。石天欣指完成母親的心願到法國一遊，最終媽媽在返家54日後，便在家中的床上離世，她遵從母親的指示沒有做任何儀式，母親的遺體由殯儀團隊直接由屋企送到中文大學，成為下一年的無言老師。