獨家丨王智騫范麒智嚇親漏夜換酒店拍狂食旅遊節目《甜酸》遇靈異事

更新時間：07:00 2023-09-08 HKT
發佈時間：07:00 2023-09-08 HKT

26歲王智騫（Martin）和21歲范麒智（Kenji）由拍戲去到拍旅遊真人騷《甜酸苦辣鮮》，兩人都大呼唔適應，仲有大量蝦碌事發生，Kenji甚至在酒店遇到靈異事，搞到Martin陪他漏夜換酒店。採訪：杜杜攝影：羅安強髮型:AL Leung(Martin)、Oscar Shek(Kenji) 化妝:Agnes Yeung 服裝:Harrison Wong@Harvey Nichols、Kenzo、Christian Louboutin(Martin)、Feng Chen Wang@Harvey Nichols、Marni@Yoox、Giuseppe Zanotti、Emphasis(Kenji)

Kenji和Martin生得靚仔，但在兩地未有艷遇，因完全冇私人時間去玩。

Martin（王智騫）今年26歲。

Kenji（范麒智）今年21歲。

節目先後到台灣和新加坡拍攝，由於事前知道以美食為主，加上有騷肌場面，兩人出發前已瘋狂操肌，自言新陳代謝變慢的Martin更減定幾磅，預留空間去肥。而每日拍攝完，兩人都堅持gym房見，Kenji說：「凌晨成點鐘先返到房，但係06又要開工，寧願瞓少啲都照去做運動。」

節目中兩人要「璧咚」，只因劇情需要。

要Kenji和Martin重現「璧咚」場面，兩人完全忍唔到笑。

Kenji曾影到UFO上埋報

Martin和Kenji都擔心身材走樣，因為每日拍攝均食足6、7餐，Martin說：「我哋好怕嘥嘢，去到每間餐廳就算有5、6碟餸，都碟碟清，超飽。」Kenji補充，「我哋仲照食午、晚餐，後尾知道工作人員會幫手食，去新加坡時就識玩嘞！」除了要不停食，講食後感亦考起他們，Martin說：「演戲有劇本，拍呢啲要講自己感受，最驚係食同類型嘅嘢，又唔想重覆用啲形容詞，諗唔到搞到dead air。」

二人要1日食多餐，有時真係會飽到呆咗。

Martin為了騷肌，出發前已減定磅做準備。

二人首次拍旅遊節目，心情既緊張又興奮。

有靈異體質的Kenji，在台灣又瀨嘢，「喺酒店瞓覺時，覺得有人掃我塊面勁驚，即刻走去隔籬房搵Martin。」Martin好無奈：「我去咁多地方開工，都會遇到電視自己開關，我通常唔理，但見到佢咁驚，咪漏夜搬酒店囉！」其實Kenji每次去台灣都有奇遇，「小學2年級時，我同爹哋媽咪第1次去台灣旅行，我幫媽咪影相時影到UFO，導遊識得記者，佢哋仲嚟酒店同我哋做訪問，上晒報紙㗎！」