小花譚杏藍突公開戀情被質疑一腳踏兩船高大新歡曾向人氣性感KOL求婚

即時娛樂

更新時間：20:30 2023-09-08
發佈時間：20:30 2023-09-08

現年33歲的YouTuber兼歌手譚杏藍（小花），今年2月宣布跟拍拖10年的ToNick主音趙善恆（恆仔）分手，回復單身後專心投入工作，7月才自爆正式收樓做業主，想不到不足兩個月，昨日（7日）再於社交網高調公布新戀情！

【相關閱讀】：小花譚杏藍買千呎豪宅畀自己做禮物生財有道全靠一個人！

【點擊睇譚杏藍新歡】：

譚杏藍於IG無預警貼出一張拖手照，並標記高大男友Ronald兼寫道：「感恩，感恩，只有感恩 #blessed」Ronald昨日亦於IG Story上載女友首次行騷的短片作支持，二人互動甜蜜，不少粉絲睇見紛紛留言送上祝福，惟部分網友就質疑譚杏藍一腳踏兩船：「這是無縫接軌嗎？」、「咁咪同小花恆仔分手時間差不多？」、「10年感情咁快放低去開始新關係，你真係勁，求方法請賜教」等。

疑否認出軌

對於網民批評：「其實可以低調啲，唔使全世界知道你拍拖，咁快可以放低？」譚杏藍亦大方回應：「其實我試過㗎啦，無用㗎，唔講就話你隱瞞，講又話你高調。既然大家估估吓，咁我不如坦蕩蕩講出嚟，拖手都唔使再俾人指指點點，又唔係咩壞事，做人行得正企得正，又無傷害到任何人right？」暗示並無出軌。

婚照都影埋

譚杏藍新歡Ronald是KOL小影（黃亦禧）的前度，小影曾參與HOY TV水着節目《Summer Girls 2022》，IG坐擁10.2萬粉絲，數年前男方曾在法國求婚成功，並已拍攝婚照，惜有傳小影上位後飛起對方，二人最終分手收場。而Ronald與譚杏藍的戀情亦有跡可尋，去年11月已公開兩人合照，上月又拍拖去S2O音樂節，月底男方開生日會，事後也在社交網貼出與譚杏藍的合照。