79歲馮素波潮玩IG與兒子有關自認欠缺演戲天份早年生活充滿怨氣

更新時間：23:00 2023-09-12
發佈時間：23:00 2023-09-12

79歲馮素（波姐）自2022年12月底開了IG帳戶後，掌握「流量密碼」的她幾乎成為網民熱捧對象。日前馮素波接受TVB娛樂新聞台節目《星光路上》的訪問，原來當日開IG帳戶，背後原因是因為他的兒子：「其實我唔係玩，呢個係我哋嘅聯絡，只要佢見到我有影相上去，佢就會好安心。」

【相關閱讀】：馮素波晒「最強綠葉團」飯聚照掀網民競猜有卡拉之星仲有殺人王

【點擊睇馮素波與兒子合照】：

童星出身的馮素波，來自演藝世家，爸爸是著名影星馮峰，七弟是演員馮克安，九妹馮寶寶一度是紅透半邊天的童星。馮素波在訪問上謙虛稱自己對演戲沒有天份：「嗰陣屋企好窮，我爸爸媽媽又一早離咗婚，我爸爸去咗新加坡嗰邊搵錢，到我5歲嘅時候，我爸爸返咗嚟香港，拍咗套《細路祥》，我完全冇諗過大個咗會喺呢行做咁耐，不過做咗之後係鍾意。」雖然馮素波最愛做粵劇，但最後選擇了做時代曲歌手：「嗰陣我唱夜總會係現成有人工，晚晚咪去唱歌，不過嗰陣都好多怨疾，成日諗幾時唔使唱，但係我係帶住幾個細佬妹，人哋食飯我就換衫返工，全街靜晒，我就收工返屋企。」

搵到錢但生活很大怨氣

因為這原因，馮素波坦言當時有很大怨氣：「嗰陣就算搵到錢都唔開心，拎返屋企個個都豐衣足食，細佬妹未致於話好多學問，但起碼乜都識，反而我自己乜都唔識。」到了1993年，當時馮素波拍《馬場大亨》開始喜歡閱讀：「只要唔係愛情小說就得，因為我覺得人生係冇愛情，雖然我結婚二次，但係都未拍過拖，係我爸爸有病，咪沖喜結婚。」當時與第一任丈夫因性格不合而分開，失婚後前往加拿大散心，跟蘇文雄一拍即合更結為夫婦，婚後40年恩愛依舊，直到早年丈夫因心臟病爆血管不幸離世，回想當年的婚姻生活，馮素波做了媽媽後，有一段時間成為「歸家娘」：「嗰陣好似好安定，得閒同啲朋友打牌，又扮靚去飲吓茶食吓飯，過咗幾年呢種生活，就覺得好無聊，積蓄又越用越冇。」

與囝囝保持聯繫

馮素波輾轉間又再做幕前工作，開始演媽媽、嫲嫲的角色，近年又因為「Anson波」令事業有一個新轉變，主持問馮素波兒子有否勸她停下來？馮素波哈哈地笑說：「梗係唔會，佢話見到我有活動就安心，我除咗病先會留喺屋企，所以佢返屋企見到我就好驚。」

馮素波又坦言當日開IG帳戶，背後原因是因為他的兒子：「其實我唔係玩，呢個係我哋嘅聯絡，只要佢見到我有影相上去，佢就會好安心。」不過馮素波早年曾經歷一場大病，有一次身體檢查照出大腸有腫瘤，膽亦塞滿膽石，幸好手術後康復得很順利。經歷過後，馮素波覺得做人不單只是自己開心，最好是做完一件事，大家都會開心，她坦言目前接job不理會budget：「最緊要係嗰件事成功，做到出嚟有效果，先至係人生嘅budget。」