官恩娜體驗旅拍人仔299化身「西藏姑娘」控訴重手P圖自嘲變恐怖蠟像館

更新時間：16:30 2023-09-20
發佈時間：16:30 2023-09-20

現年44歲的官恩娜（Ella）2015年嫁給中法混血醫生男友Juan-Domingo Maurellet，先後誕下一子一女，婚後亦淡出娛樂圈專心照顧家庭，直到今年4月現身許冠傑演唱會後，她開始積極經營社交平台，不時分享旅行相。近日官恩娜又飛赴西藏度假，未料照片被過度P圖，連她也自嘲判若兩人，但有網民仍非常捧場大讚：「靚到似AI」、「2X歲女咁」、「沒有毛孔的大美女」。

【相關閱讀】：嚴選9位40路索爆人妻！陳煒年近半百Fit過年輕時期港姐亞軍婚後狂野晒三點式

【點擊睇官恩娜重手P圖】：

官恩娜一口氣分享了7張寫真，並於帖文中寫道：「嚟到西藏主要係想睇吓啲仙境神山，不過我真係忍唔住做咗件不能再遊客嘅遊客事…就係西藏旅拍！¥299人民幣包化妝同一套藏服。」

當日，穿上一身西裝民族服飾的官恩娜，穿梭當地街頭小巷擺出「文青Pose」影靚相，雖然年過四十兼是兩孩之母，但她紮起孖鬢辮依然少女味十足，惟她卻不太滿意成果，官恩娜續道：「想講個攝影師執相都幾重手吓，我問佢可唔可以畀番張原圖我，等我有番啲毛孔，唔好成個蠟像咁。佢同我講啲相係相機直出，我話相機直出有美顏？唔係呀嗎？！佢答我…是的！」並搞笑Hashtag「#西藏旅拍」、「#執相咪走火入魔之恐怖蠟像館」。不過，該輯重濾鏡仍獲不少圈中好友激讚，岑潔儀說：「好靚啊！成個迪麗熱巴咁。」倪晨曦則謂：「still very pretty.」

爆笑配音引網民求復出

此外，官恩娜亦體驗坐當地黃包車：「跟住我想喺布達拉宮去大昭寺嘅時候，發現自己個微信short咗call 唔到Di Di，的士又唔車我，所以就….. 去片！」片中，她哼着《尋找他鄉的故事》主題曲，並刻意壓低聲線模仿《尋》旁白鍾景輝說：「喺遙遠嘅西藏，一個人坐住黃包車，到底能唔能夠搵到我想搵嘅地方呢？」相當搞鬼，有網民亦敲碗求她復出幕前。