森美JPEX風波後首開咪「聲沙沙」稱極疲倦暫未收到警方聯絡：多謝大家關心

更新時間：12:25 2023-09-25
發佈時間：12:25 2023-09-25

虛擬資產交易平台JPEX無牌風波越鬧越大，張智霖、莊思敏及風水師陳定幫先後獲警方邀請協助調查，而曾擔任加密貨幣兌換店「Coingaroo」星級代言人的森美，早前曾回覆《星島頭條》指現時已沒有為相關品牌代言，故不回應事件，同時他突然離港惹揣測。但森美後來表示，早已向公司請假一星期舉家到西班牙旅遊，而今日（25日）他在JPEX風波爆發後，首次返回商台為節目《早霸王》開咪。

【點擊睇森美捲JPEX】：

【點擊睇森美今早返商台情況】：

森美今早「歸隊」《早霸王》時，獲主持小儀和梁嘉琪等人熱烈拍手歡迎，但森美一開咪已經「聲沙沙」，他解釋：「你知打工仔梗係用盡每分每秒，我係好攰，因為噚晚我瞓唔到，香港快西班牙6個鐘，我啲時差調唔到。」雖然森美在節目開始時未有提及近日風波，但在中段亦有提到在行程遇到不少事，他語帶關地說：「那攪嘢留番最尾先講，我都唔知從何說起，話晒都係旅遊，都係講咗西班牙先。」不過森美最後在節目上未有談及今次風波，以一貫搞笑作風主持節目。

公關陪同下見傳媒

森美知道有傳媒守候，他於節目結束後約中午12時，由商台公關陪同下步出見記者。問到可有警方聯絡？森美表示：「暫時未有警方聯絡我。（會主動聯絡嗎？）暫時沒有其他回應，正如我之前所講，已在一年前完約了。」問到可有投資或損失？森美未再回應事件：「多謝大家關心。」並由公關陪同下返回商台大樓。

曾為Coingaroo代言人合約已完結

森美曾為Coingaroo代言人，並與Coingaroo吉祥物在電視及戶外告示板大賣廣告，惟Coingaroo位於屯門市廣場及銅鑼灣駱克道的兌換店，日前被警方破門進店內的辦公室搜證。恰巧事發後，森美已連日缺席商台節目《早霸王》，甚至從上六（16日）後已沒更新IG，隨即引起大批網民猜測，商台方面亦回覆傳媒指，他早已請假一星期，其後身在西班牙的森美表示與Coingaroo的合約於去年年底完結，多謝大家關心。