獨家丨陳嘉慧靠睇playback提升演技被批評唔聽意見尷尬回應

更新時間：07:00 2023-09-27
發佈時間：07:00 2023-09-27

有傳將跟圈外人閃婚的陳嘉慧（Erica），在《你好，我的大夫》飾演性格自負的實習中醫師「Cecily」，中文程度麻麻的她自覺最難是要經常黑口黑面。劇集監製方駿釗接受本報訪問時，指她不太聽意見，她尷尬表示多謝提點，又自爆靠睇playback鞭策自己進步。採訪：杜杜攝影：Stanley化妝:Ivymakeuphk

Erica強調絕對會聽意見，而且自知仲有好多進步空間。

早前Erica跟圈外男友晒婚戒相流出，再傳兩人將於深圳行禮。

一向睇開中醫的Erica，知道要演中醫好興奮，「可以偷師學嘢，調理埋自己。」但演落才知困難，「藥材同穴位好難記，我中文唔太好，有啲字讀都唔識讀，好彩有顧問醫師在場，可以即刻問。」另外，角色跟本人反差大亦好難演，「我平時唔係咁cool，越叫我唔好笑，越忍唔住笑出嚟，個焗蟹（忍笑）排行榜，我都排幾前位置。」

Erica認為扮中醫師應診，要好自信把脈同講癥狀都唔容易。

Erica跟吳偉豪演鬥氣冤家，她笑言好處可盡情打對方。

學識過濾負評

由2021年擔正《愛上我的衰神》到《大夫》，Erica已成監製方駿釗愛將，對方讚她外形入屋兼可塑性高，但缺點是不太聽意見。Erica聽到監製評價後表現尷尬，「每個演員對角色有自己理解，並唔係硬頸，好多謝監製，佢係我伯樂，一直畀機會我試唔同嘅嘢，願意同我溝通，畀好大自由度我，我會努力進步。」

監製方駿釗讚Erica有潛質，但要多聽意見。

Erica於2017年藝訓班畢業，2021年擔正《愛上我的衰神》跟胡鴻鈞有咀戲。

近年受力捧的Erica表示最困難是調節心態，面對負評不要被打沉，就算讚賞亦要提醒自己，「要學識過濾，真係做得唔好就要改，唔好影響之後演出。另外聽到人讚會打咗強心針，但都提醒自己唔好自滿，要鞭策自己進步。」所以她堅持睇playback，「拍《衰神》時監製提我，現場冇咁多時間，會返剪接房睇，邊度好邊度唔好，情緒連得啱唔啱，有時唔記得上一場做咗啲咩，可以提醒返自己，咁樣做真係好大幫助。」