獨家丨龍小菌曾經250磅明白姜濤被取笑感受 堅持自資出歌多謝前輩睇死
更新時間：08:00 2023-10-10 HKT
發佈時間：08:00 2023-10-10 HKT
發佈時間：08:00 2023-10-10 HKT
字體大小
入行12年嘅獨立歌手龍小菌，去年開始用真名蔡紫晴推出個人單曲《如煙》，最近再出新歌《以為》，雖然每做一首歌要花費幾萬元，要努力賺錢「跑數」的她唔後悔，因為唱歌能抒發情緒又減壓。採訪：方騫平 場地：LUNAQUA
龍小菌堅持繼續「跑數」自資出歌。
初入行時小菌曾被前輩寫文章睇死，狠批3年內會消失。
小菌堅持要追夢。
小菌要跑數出歌。
蔡紫晴(龍小菌)的新歌《以為》講述密友之間需要用合適方法溝通，推測只會令大家受苦。今年龍小菌除開始個人發展，仲計劃每年跟新樂隊極美樂團推出4首歌。
小菌以原名蔡紫晴推出個人單曲《以為》。
啱啱成立新樂隊極美樂團。
因為肥曾經好自卑
小菌由寂寂無名的街頭「幪面歌手」走入樂壇，初入行時曾被前輩寫文章睇死，狠批3年內會消失，但至今仍為追夢而戰：「做音樂係我好想做嘅事，最大夢想70歲未死，都繼續喺台上rock落去。縱使當年放棄高薪嘅教職仍然好值得，我又唔係要求歎high tea、買名牌包包，唔使大富大貴，做喜歡嘅事就夠。睇返啲舊同事，佢哋教書壓力一樣好大，唱歌能抒發情緒，我反而多謝當年睇死我嘅前輩，佢嘅說話成為我動力。」
12年前，初入行的小菌幪住面跟李克勤演出。
另外，小菌曾經係大肥妹，最記得求學階段慘被同學欺凌，玩爆她的暗戀對象，搞到她好自卑，覺得唔值得愛自己，直至大個才明白其實只係借她來玩暗戀對象。曾經肥妹的舊史，令她明白姜濤慘被評論身形的感受：「食肥少少，大隻少少就唔愛我！唔係呀嘛？」她認為有啲體質就算食少少都好易肥，希望姜濤做返自己，唔好在意評論，鍾意食嘢就食嘢，要知道藝人最大功能係提供娛樂，就算做到100分都會俾人話。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
