George@P1X3L稱台灣拍節目瞓覺都冇時間 力證Phoebus同Alice純「兄弟」關係
更新時間：16:45 2023-10-11 HKT
發佈時間：16:45 2023-10-11 HKT
發佈時間：16:45 2023-10-11 HKT
字體大小
P1X3L成員歐鎮灝（George）與甄吳露茜今日出席商場活動，George表示由細到大好少去露營，因為要返學又要做兼職，反而會打籃球，不過人越大越喜歡大自然，就連去旅行也會選擇到鄉下地方玩，並笑謂自己怕曬黑，當曬黑後好難變白。他說：「我唔鍾意曬黑，曬黑咗好似第二個國家嘅人。」
George表示由細到大好少去露營，Lokman嫂直頭未去過露營。
George稱人越大越喜歡大自然，去旅行都鍾意去鄉下地方。
George想《那年盛夏我們綻放如花》的原班人馬拍喜劇。
提到有份演出Viu TV劇集《那年盛夏我們綻放如花》贏得口碑，George笑言想原班人馬拍喜劇，感覺反差大，精神壓力亦不用太辛苦。另外，對於隊友吳啟洋（Phoebus）在台灣拍節目時搭上許寶恆（Alice），搞到跟正印張天穎分手。George說：「冇呢件事！我哋喺台灣瞓覺都無時間，都係專注表演。」George又指Phoebus好少提感情事，亦沒有特別講分手，P1X3L三位成員一齊都係打機同工作，不會談及感情生活，亦只當Alice是兄弟。問到對張天穎的印象？George表示只見過一、兩次，只是活動上見面，也不會過問隊友感情事，因為男仔會覺尷尬。談到可會叫Phoebus在感情上收歛？他說：「我無刻意去諗呢樣嘢，感情事鍾意幾時公布就公布，我支持佢。（有指張天穎被分手？）我唔知。」
George同Phoebus唔會講感情事。
同場出席的甄吳露茜（Luxi）未去過露營，但也想嘗試與一班朋友及男友Lokman（楊樂文）一齊去高級露營玩，並笑指Lokman從澳洲回港後也很忙。她笑說：「佢喺澳洲買咗兩件衫畀我，仲話攝時間去先買到，都感動嘅！係我叮囑佢要買手信畀我。」Luxi透露有計劃跟男友Lokman到歐洲旅行，但待對方有時間先，亦否認婚訊。她說：「我都唔知邊個傳出嚟！我哋無定下幾時結婚，總之唔心急啦！」
Lokman嫂收到Lokman送的澳洲手信。
她澄清婚訊，稱未有結婚打算。
兩人拍拖多年，男方早視女方為結婚對象。
《星島頭條》新網站有更多精彩內容：http://www.stheadline.com/
最Hit
