亞視一姐薛影儀轉型「平民時尚KOL」孖黃榕參加渣馬被重提黑歷史爆粗反擊

更新時間：19:00 2023-10-13
發佈時間：19:00 2023-10-13

有「亞視一姐」之稱的39歲薛影儀（阿儀）與經理人林寶玉關係惡化，早前因擅自盜取公司設立IG帳號並私自發放私人照，以及無故缺席工作兼公開辱罵經理人，結果被公司無限期雪藏，昨晚（12日）林寶玉突然宣布下月離職，對此薛影儀至今仍未有任何表態，繼續孖「損友」黃榕周圍Wet，更疑似轉型「平民時尚KOL」。

【相關閱讀】：「最索經理人」林寶玉突宣布離職親述原因：能力未能夠配合到公司

【點擊睇薛影儀平民時尚】：

過往除了上載工作照外，薛影儀亦不時貼出飲食及玩樂照，但甚少分享日常穿搭，惟近日她連環出Po晒戰利品，先是一條白色透視喱士連身短裙，她表示：「今日在元朗買呢條裙$50，用來冬天着。」雖然有網民大讚薛影儀節儉「娶得過」，但大部份人都擔心太單薄會凍親她，亦有質疑被身邊人帶壞：「俾榕姨帶壞晒…搞到一姐要着透視裝引男人」、「買幾多都冇用啦，都俾人雪咗冇Show出」。不過薛影儀一於懶理，昨日再晒一雙只售60蚊的深灰拼粉紅的不知名品牌波鞋，估計是為出戰明年1月舉辦的渣打馬拉松作準備。

【點擊睇薛影儀林寶玉不和】：

日前，薛影儀已於社交網公布參加十公里賽，同行仲有近期「糖黐豆」的閨密黃榕，旋即引來不少口痕網友留言：「可唔可以着番你去選亞姐嗰陣時嗰套泳衣去跑？」、「當日使唔使幫你call定白車？10K，唔係10步」、「記得戴胸圍跑步，唔好俾人睇蝕晒」等，薛影儀則激動回覆：「你去死啦！你就冇戴！」對於有人重提她被指曾在公眾地方小便一事，揶揄她「唔好邊跑邊屙屎」，薛影儀即開火爆粗：「我X你呀！我邊有呀？」結果嚇窒網民：「嘩！身為公眾人物亞視藝人講粗口呀！」