Lucy報平安片驚見雙目無神網民憂心 額頭撞凹櫃媽媽梁志瑩稱好笑被狠批
發佈時間：20:30 2023-10-13
現年48歲的李璨琛2012年與太太「李老母」梁志瑩（Sophia）結婚，婚後育有兩個囡囡李元元（Lucy）和李斐斐（Sucy），Lucy憑冬菇頭、肥嘟嘟可愛樣子及胖胖身形、搞怪性格同極強表演慾，被網民封為「最萌星二代」。Lucy日前不幸在颱風小犬襲港期間遇到家居意外，撞到實木櫃致額頭留有一條長長疤痕，但Lucy媽咪卻繼續發文指覺得好笑，受到不少網民批評。
李璨琛囡囡Lucy爆衝撞傷頭留血痕！實木櫃竟變凹 網民見一特徵憂心視力受損
【點擊睇Lucy李元元撞傷頭後最新情況】：
Lucy撞到後，Lucy媽有上載李璨琛抱着Lucy為其敷冰，並怒目望向鏡頭的照片，Lucy媽則在IG留言：「feel到我老公好似係有一刻嬲我仲喺度笑。我知道我唔應該笑，但心裏不停諗我個女個頭真係有咁硬竟然可以撞凹個櫃🤔，個鐵頭冇爆其實真係好好彩。貼塊膠布佢即刻覺得自己係冇事嘅🙄😌😅」。
網民鬧爆Lucy媽梁志瑩
網民卻批評其所為，紛紛留言鬧爆Lucy媽：「衰老母仲笑，有冇帶lulu照吓個頭，心痛死」、「我睇到都覺得好痛，好想喊，你仲笑得出」、「唔係講笑，撞到幾傷吓，撞到表面額頭其實入面係蝶骨，會影響計數能力、視力。lulu隻左眼已有變化，兩眼球不平衡，你要小心留意之後康後情況有否好轉。希望lulu快啲康復」、「咪係囉！做人老母個女撞到咁傷，差少少眼鼻都撞到破相，仲句句喺到（度）笑，仲話做好角色？內傷有幾嚴重你都未知」、「真係好頂唔順，唔知點解有老母會笑得出。撞傷個女冇得搖錢架啦」，經常被指「走火入魔」的Lucy媽再添新爭議。
【點擊睇Lucy被母出賣系列】：
Lucy扭屁股「報平安」
眼見群情洶湧，Lucy媽昨日（12日）再上載Lucy受傷後照樣做出趣怪表情並扭屁股的跳舞片「報平安」，並發文寫道：「多謝各界好友嘅關心，條友仔真係冇事，你哋睇吓覺得佢有冇事😂😂😂 #個樣煩到」。不過網民依然未收貨，並留言稱見到Lucy疑似雙目無神、四肢亂動反而更擔心：「睇完條片反而擔心佢撞親個腦」、「個額頭有疤痕啊！」Lucy媽今日（13日）又分享細女Sucy戴假髮，被Lucy笑指：「媽媽，其實我覺得妹妹帶呢個假髮唔係幾好睇，佢戴咗個樣好似個阿姨😂😂😂⋯⋯」Lucy媽即指家姐詞窮，笑稱她應該覺得阿妹似阿嬋或者師奶，力證Lucy已沒大礙，更留言指：「淡定真係有錢淨，一齊騰晒雞係毫無作為。」
【其他文章】：
Lucy誤會爸爸李璨琛被打奔跑營救 搶武器阻止網民讚揚：無白養
李璨琛細女Sucy戴假髮變Lucy 2.0萌到爆 印證強大基因姊妹如倒模
李璨琛半歲細女激脹面珠神複製蠟筆小新 出動米芝蓮肉腿力抗颱風蘇拉
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
