單文柔低調慶結婚5周年！曝光陳展鵬激嬲老婆求和招數 無需名牌僅用一物冧妻
發佈時間：10:00 2023-10-15
視帝陳展鵬2016年任港姐最上鏡小姐評判，並對當屆參選佳麗單文柔一見鍾情，拍拖兩年即結婚，婚後生下愛女「小豬比」陳諾瑤。單文柔被私有化後未有再繼續幕前工作，專心相夫教子，但在近日播出的新劇《香港人在北京》，單文柔便首度客串拍劇，更與老公隔空合作。原來兩人轉眼間已經結婚5周年，單文柔便在社交網分享兩人在內地拍攝的趣事。
【相關閱讀】：香港人在北京丨老婆單文柔客串亮相冇同框 陳展鵬稱日後同劇機會少：太多嘢要兼顧
【點擊睇陳展鵬與單文柔結婚5周年放閃】：
單文柔在結婚5周年的日子，分享了幾張照片，包括夫婦的合照，另有陳展鵬前方有一杯名為「原諒檸檬茶」的照片，與及一張寫有「單文柔，別生氣。老公」的便條。單文柔發長文表示︰「呢張相係上年拍《香港人在北京》嘅時候影😉。早上為左（咗）小事互相頂咗兩下（吓）嘴😌，其實都忘記了什麼事🤣，當時就感覺好似好大件事。同日我去接佢收工嘅時候，他買左（咗）杯『原諒檸檬茶』給我，然後帶我去左（咗）間鋪（舖）頭，指着塊牆叫我看❤️❤️❤️。生活難免會有磨擦，發現好多時都係男生執着係（喺）道理上，女仔就講情感。兩個人相處就係一個學問，要體諒對方嘅難處，多包容對方嘅短處。陳生！我哋要繼續好好學習。五週（周）年快樂！」
【點擊睇陳展鵬一家互動】：
網民都紛紛留言大讚兩人十分甜蜜，包括好友陳敏之，網民更笑言：「羡慕死人，他跟你道歉不是他有錯，是因他寵你愛你珍惜這段關係。5周年快樂！」、「一張紙就tum（𠱁）返😂😂❤️❤️」、「陳生係愛妻號😍」、「一位好男人一位好老婆，天生一對👏」，不過最搞笑的是有人留意到那張便條的字句有被遮蓋：「遮住左（咗）係『唔出得街』肉麻情話？」
【其他文章】：
香港人在北京丨陳展鵬秘書現實被封虎牙女神！內地女星姚筱筱甜美樣引熱議 陸劇御用丫鬟捱出頭
香港人在北京丨吳若希閨密Liza驚喜登場 亞姐出身曾獲「全球票選總冠軍」
香港人在北京丨陳展鵬中加密貨幣騙案超應景 吳若希性感睡裙欲生擒老公
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
