63歲鍾楚紅全素顏街坊Look被捕獲周啟生食言公開合照認下流

即時娛樂

更新時間：11:30 2023-10-15
發佈時間：11:30 2023-10-15

現年63歲的一代女神鍾楚紅（紅姑）淡出幕前多年，近年過着養尊處優的生活，雖然已大半年沒更新社交平台，但偶爾仍能在其他圈中人分享的照片中看到她的身影，繼上月在馬來西亞被龔慈恩巧遇後，昨日（14日）輪到周啟生有幸撞到女神。

【相關閱讀】：楊凡自封林子祥葉蒨文媒人！大爆鍾楚紅張曼玉秘聞曾險因一角失和

【點擊睇鍾楚紅真實狀況】：

昨晚周啟生於社交網自爆在香港街頭偶遇鍾楚紅：「成個禮拜都忙於學習點樣去玩我嘅新玩具－Akai MPC X SE（全方位取樣機節奏機工作站）！廢枕（寢）忘餐，筋疲力竭！攰到眼都擘唔大。竟然喺街畀我見到靚靚紅姑，佢話唔肯影相，話自己個樣冇準備好，我話你幾時都咁靚㗎啦，然後我話淨係影相，唔post得唔得？死喇，實際上真係好鍾意張相。我諗上帝－『全能嘅主』都會原諒我呢一個罪人，呢一個講大話嘅衰人，騙子！」結果，周啟生竟大膽食言公開二人合照，最後Hashtag賣口乖補飛「#紅姑好好人」、「#永遠嘅女神」。

【點擊睇鍾楚紅靚相】：

然而相中所見，雖然鍾楚紅口裏說不，但仍Nice爆燦笑合影，素顏的她亦以大副烏蠅鏡遮去半塊面，但正如周啟生所說，皮膚緊緻零頸紋的鍾楚紅依舊明艷照人，一身粉紫Tee街坊Look更添「貼地」真實感，唯獨髮型有丁點亂，一眾網民睇見紛紛大讚：「好靚呀自然美」、「無預備都咁靚，有就更勁…」、「嘩！鍾小姐外表都冇大轉變」、「女神天花板」等，有網民則笑罵周啟生「衰仔」，又笑指這是「出賣朋友系列」，他回覆：「我知我下流，但係我都要影，無奈我慷慨，有好嘢要公諸同好！」