林作獲七師傅指點要每日叩拜3千次懺悔 見裕美氣息直指：沒有色
發佈時間：17:25 2023-10-15
薛家燕、七仙羽（七師傅）及裕美等到深水埗出席「送炭到泰北」活動，七師傅到場後即送上來年運程書給裕美，並指「林作運程喺入面」。七師傅笑言送書給林作是因為知道對方家中的書已看完，所以送本新書給他，又表示自己為了今次活動，要特別撲書作義賣。
【相關閱讀】：JPEX案丨林作北上大魚大肉心情靚捱轟 107歲外婆撞樣韓紅引討論
【點擊睇七師傅指點林作】：
七師傅希望林作能平安，但透露對方下年運勢仍未能回復：「唔會咁快好，要一步一步嚟，佢又唔收口又唔唸經，每日要懺悔同埋需要做108次大禮拜，即係要叩頭，得罪個咩人佢都要每日叩頭懺悔，要有恆心。」
七師傅撮合裕美林母
七師傅又畀貼士林作，指他可每日懺悔之餘兼叩拜，這樣可快一點：「6個月每日最少叩3000次，（都要半年？）佢罪孽多，叩6個月就OK。啲人成日都話我唔畀指引佢，而家我俾，每日要你3000次大禮拜，林作你做唔做到？」問到林作是否需要戒色，七師傅就笑指林作沒有色，之後更望着裕美說：「睇佢氣場就知佢冇做乜嘢，一睇就知長期冇！」而裕美則笑住承認，並指：「你同林作一齊都會長期冇！」
七師傅又指林作繼續走這條路會變成和尚，而她也指林作日後適合做神父，因為他講得、吹得，對宗教也有認知，更笑言以後還有機會藉此再做保險。七師傅又笑言林作媽媽很喜歡自己，因為貪她有錢，不過林作就喜歡裕美，雖然林媽媽最初與裕美的關係不好，但經過她大力撮合後亦成功，現時兩人的關係亦不錯。
裕美指林作休息叉電
裕美今日單拖到深水埗出席活動，問到為何男友林作沒有陪她，她笑言現時已每日要送炭給對方：「佢之前成日都好忙，忙到唔得閒同我講嘢，而家佢好煩，成日問幾時有時間理佢。」裕美指今次事件對林作來說是好事，因為可讓對方休息叉電，又指林作一向堅強，情緒沒問題，現時在家中不停看書和思考人生，唯有自己先努力工作。
提到林作出事後，裕美不離不棄被網民大讚是「滿分女友」，裕美說：「多謝，我都唔知講咩，我冇咩做，只係佢有事嘅時候盡力幫佢，坦白講我自己都覺得佢係一個受害者，所以我先會咁努力幫佢，我知道佢個人係點，雖然佢係賣口臭，但我淨係覺得佢成日都係得把口，佢喺我面前都係咁。（會結婚冲喜？）我冇呢個打算，佢都冇提，我都結過，冇呢個憧憬，同埋佢媽咪都冇特別講，呢啲嘢係後話，有咁多嘢發生已經夠忙。」
裕美無向生父提JPEX事件
早前找回生父的裕美指現時每日也會跟父親聯絡，不過對方也不知林作在香港發生什麼事，自己也沒有提起，而她指父親看到林作照片後大讚「幾靚仔」：「我問佢係咪年紀大開始老花，佢話冇，亦有話佢個樣係聰明人。我成日都覺得一個聰明人諗嘢好唔平凡，有想對抗世俗諗法，成日會搞好多嘢出嚟，但阻止唔到佢，性格係咁就係咁，除非佢經歷咗啲特別嘅嘢令佢改變。（經歷今次事件之後有冇改變？）佢話等冇事嘅時候會更加瘋癲，佢好相信佢會冇事，因為佢知道佢唔係做緊一啲唔好嘅嘢，佢口臭，但佢冇諗住害人。」
對於日前有JEPX苦主表示因林作而投資過百萬，裕美指林作得知後也感到愕然，因他沒有見過這個人，不過她指林作看完報道後就算，問到現時與男友出街是否會怕俾人指點？裕美說：「冇喎，真係冇，其實第一次保險佢俾人炒嗰陣，我已經驚佢出街俾人打，又冇，今次呢件事又冇，所以我覺得香港治安好好。」當記者大讚她夠堅強時，裕美指自己以往也經歷不少風波及流言蜚語，網上對她的攻擊也不少：「從來冇經歷過嘅人可能會頂唔住， 但我有，我會明白佢，雖然佢嘅事係俾我嗰啲大好多，但我覺得都可以過得到，人生就係咁。」
【其他文章】：
JPEX案丨林作記者會罕有十問九唔答 證中環辦公室已結業稱近日「瞓得好」
裕美不忿林作出事被網民瘋狂恥笑「抵死」 撐男友善良低調幫基層學童補習
裕美親回男友林作被捕！稱隨時Stand by不擔心 拒認最佳女友：幫到手就幫
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
