中年好聲音2丨葛蘭孫新抱失準被淘汰60強止步 「巨聲幫」陳鴻碩大熱倒灶
發佈時間：23:25 2023-10-15
TVB歌唱節目《中年好聲音2》今晚播出新一集，繼續是60強淘汰賽，當中只有30位參賽者可以晉級下一回合。不過今日出場的四位5燈選手，其中三位吳萊邨、周文馨和朱博文接連失準，更有兩人因而被淘汰。
【相關閱讀】：中年好聲音2 丨前藝人譚權輝舊愛被謀殺摯友離世改變人生 曾參加新秀與天王天后做過同門
【點擊睇今集《中年好聲音2》】：
第一屆《超級巨聲》的陳鴻碩被視為今季《中年好聲音2》的熱門之一，百強時更獲得4盞燈晉級，今日陳鴻碩演唱孫燕姿的《我懷念的》。不過最後不敵同樣唱孫燕姿《超快感》的周碧嘉爆冷落敗。張佳添直指陳鴻碩：「改得好差，好多大小力嘅位錯晒，冇情緒。」
今集有4位上回合奪得5燈的參賽者出場，包括吳萊邨、一代紅星「曼波女郎」葛蘭的孫新抱周文馨、朱博文和劉可，不過其中三位吳萊邨、周文馨和朱博文表現齊告失準，其中兩位更被淘汰！周文馨於首集獻唱《Unchained Melody》一鳴驚人，今集周文馨繼續挑戰英文歌《I Will Survive》，表現失準兼唔夠氣，評審聽到皺晒眉，只得一盞燈被淘汰。張佳添更直說：「呢首歌係好難唱，可能你不在狀態，照計你啲高音應該上到，好可惜，你揀呢首歌嘅風險好大。」
吳萊邨破音嚇倒評審
來自悉尼的海外選手吳萊邨唱《別怕我傷心》，除出現走音情況，還突然飆高音嚇到一眾評審彈起，伍仲衡直說：「你唔夠從容，好似行緊鋼線！」肥媽則表示：「你一緊張個聲帶就會收縮，幾歹都唱低半度，你真係自殺。」張佳添更模仿吳萊邨的破音，直指似嗌救命。最後吳萊邨更只得一盞燈而被淘汱。
至於上回合跳唱《頭髮亂了》的朱博文，今集挑戰張敬軒的慢歌《俏郎君》，肥媽直踩：「你上次《頭髮亂了》真係正到嘔茄，你哋唔好自以為是，揀歌要再精準啲！」伍仲衡同樣直認失望：「你係我今集最大嘅期望，但而家係由天台跌到去地牢！」朱博文對戰的羅志樑同樣選唱張敬軒的慢歌《餘震》，兩人同樣獲得三盞燈，最後由朱博文晉級。
【其他文章】：
向展鵬晒108萬閃爆鑲鑽Daytona！擁私人碼頭上落生活富貴 獲名牌送專屬香檳勁有面
中年好聲音2丨藝人唱功災難級！王嘉明玩即興走音搬陳百強上枱冇分加 羅沛琪喪叫放飛自我
中年好聲音2丨前TVB御用外國人曾與黎明合唱竟「被消失」 108強實際不足百人？
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
