連累「亞視一姐」被炒？黃榕自爆阿儀曾提出任經理人要求稱冇嬲過林寶玉

更新時間：12:00 2023-10-19
發佈時間：12:00 2023-10-19

黃榕被指帶壞「亞視一姐」薛影儀，阿儀更維護她公開勁鬧經理人林寶玉而被「雪櫃」，其後林寶玉辭任經理人，AMM（亞洲心動娛樂）認為阿儀多次失場又盜用公司IG，因死未性不改唔聽話被解僱。黃榕昨晚（18日）出席好友許嘉浩（綠魔）舉辦的生日慈善時裝派對活動，同場還有七仙羽、趙哲妤等出席。

綠魔生日慈善派對活動：

對於被指教壞阿儀的黃榕，她直言跟阿儀是朋友關係，亦不會做對方的經理人，同時不會涉及其工作。談到阿儀被AMM解僱，黃榕指阿儀很積極找工作，自己亦有幫口問身邊朋友可有工作介紹給對方。黃榕說：「有工作會介紹畀阿儀，我唔會做佢經理人，阿儀依家心情還好，反而身邊嘅人擔心佢，佢依家每日學嘢增值自己。（可有工作介紹畀阿儀？）佢都鍾意做藝人拍嘢。」

黃榕稱與阿儀只是朋友

問到可覺得自己連累阿儀，黃榕避談指，已認識阿儀兩年，但不停有不利的新聞出現，其實大家一直是朋友，不涉及工作。談到若阿儀主動要求她做經理人可會幫忙，黃榕直認不諱指，阿儀曾問過她，但覺得自己不適合，不過以朋友身份會幫阿儀物色經理人。她說：「聽聞暫時有朋友想搵阿儀拍短劇，但都會叫佢哋直接搵阿儀。」提到林寶玉指阿儀失場，原來是跟黃榕出席其他活動。黃榕表示沒有嬲過林寶玉，若有機會都想跟對方溝通傾談，想將不開心的事劃上句號，大家可重過新生活。

另外，提到將會跟阿儀出戰渣馬十公里，黃榕表示阿儀主動相約挑戰馬拉松，大家現在各自在家附近練跑。同場的綠魔，表示每年生日會舉辦慈善活動，由於有親人患癌離世，特別將留了十幾年的長髮剪掉捐出製成畫作義賣。