郭珮文小背心再出動晒「最強Body」愛歎一食物反眼享受露滿足表情

更新時間：10:00 2023-10-20
發佈時間：10:00 2023-10-20

應屆落選港姐郭珮文（Juliana）雖然在五強止步，但憑極之豐滿的上圍，被網民熱捧為TVB新一代「咪神」。22歲的郭珮文似住有「最強Body」，每次在社交網分享新相，都以衝擊網民視覺為主，小背心更是其指定「胸」器。郭珮文前晚（18日）又再穿上露腰小背心派福利圖，今次就到美式快餐店覓食，表情更是非常多元化，睇到網民心心眼。

【相關閱讀】：落選港姐郭珮文再晒「最強Body」霸氣外露一賣力動作力谷身材網民竟擔心爆玻璃

【點擊睇郭珮文新相】：

郭珮文的一輯食薯條相，表情非常豐富，還食到反眼，狀甚滿足。郭珮文寫道：「Hungry? Let's meat up」，不少網民見到照片後大讚靚女，又問她打算在哪裡見面，有人好奇點郭珮文愛食薯條，如何維持好身材：「點樣keep到條腰咁幼」、「薯條好味，人又靚」、「真係好靚女真人好睇過相」等。

曝光率極高

郭珮文擁35、23、36好身材，今個月來已多次分享小背心靚相，而且每次領口都非常之低，獲網民大讚性感得來又可愛。而郭珮文早在港姐面試當日，因一頭金髮兼逼爆身材，已成功引起網民關注。郭珮文落選後未決定去向，只透露會重新經營網店。雖然入行與否仍是未知之數，但郭珮文每隔幾日更新一次社交網，曝光率比不少女星還要高。