前TVB童星吳諾弘突刪女友合照疑甩拖引外界猜測「復出」幕前成導火線

更新時間：12:15 2023-10-20
發佈時間：12:15 2023-10-20

童星出身的吳諾弘（Lawrence）2015年拍畢TVB劇《四個女仔三個BAR》，決定放棄演藝工作，轉做全職港隊劍擊運動員，直到前年與張家朗、張小倫及蔡俊彥參加東京奧運男子花劍團體賽事，再次受到外界關注。一早大方公開「名草有主」的他，不時於社交網分享甜蜜放閃，惜近月卻悄悄刪走二人合照，令網民揣測兩年多情告終。

【相關閱讀】：前TVB童星吳諾弘大個仔變型爆港隊劍擊手宣佈回歸幕前轉做YouTuber

【點擊睇吳諾弘蜜照】：

吳諾弘今年8月夥拍隊出戰成都世界大學生運動會，勇奪男子花劍團體金牌，除了專注在劍擊發展外，去年10月更宣布創立YouTube頻道「Unprofessional Production」，他坦言：「一直都想開Channel拍片，因為有時會諗唔做劍擊手可以做乜，我亦想喺劍擊以外創立屬於自己一啲嘢。」並謂會陸續招攬幕前人員，至今已累積1.01萬訂閱者，影片內容包括與隊友玩小遊戲、學新運動項目、愛情短劇等，甚為豐富。

不過，未知是否忙於拍攝及練劍，吳諾弘近月也沒有在IG放閃，日前更被發現突然刪走二人合照，甚至互相Unfollow，其女友近月就到英國、瑞士、德國旅遊散心，相中亦未見吳諾弘蹤影，旋即傳拍拖兩年多的二人情逝，外界更猜測男方親自上陣拍愛情短劇或惹另一半呷醋。

【點擊睇吳諾弘童年】：

6歲加入TVB的吳諾弘在十年間參演超過30套劇集，包《心花放》、《施公奇案》、《與敵同行》鄭嘉穎的童年、《老友狗狗》馬浚偉的童年、《宮心計》陳豪童年和《巨輪》蕭正楠的童年等，直到2015年拍畢《四個女仔三個BAR》便離開幕前。本來就讀拔萃男書院高中的他，為成為全職劍擊運動員，選擇在中五休學並加入港隊。

吳諾弘曾與網民玩「你問我答」時，透露將來有機會也想重返校園讀書，亦大方自揭與女友的相識經過，他說：「兩年前想做個YouTube Channel，嗰時方向未定好，好多嘢都唔知點做，所以嗰時有一路問人意見啦；好幸運地，有個朋友介紹咗而家女朋友我識。我哋一齊做嘢，跟住就發現我女朋友真係好好，好support我做嘢，之後我就主動去追佢。」而去年初展開為期半年的歐洲之旅，吳諾弘亦獲女友專程飛到法國支持，認真甜蜜。