張致恒開腔談舊隊友關智斌親回鍾情火辣美女口味變雯雯一原因拒離婚

更新時間：13:00 2023-10-22
發佈時間：13:00 2023-10-22

38歲張致恒（Steven）與粉絲區燕雯（雯雯）2019年奉子成婚，先後誕下四名兒子，惟二人周期性鬧婚變，因而被網民封為「離婚界KOL」。婚後頻頻呻窮的他們，繼早前再次開設收費IG帳號後，近日宣布另設YouTube頻道「Uglymama 雯雯」賺奶粉錢，首條影片於前晚（20日）上架，見網民反應熱烈，二人迅速於昨晚（21日）上載最新一條「深夜夫妻Q&A 2」。

【相關閱讀】：雯雯「你問我答」霸氣親解鬧離婚仍造人張致恒否認性上癮被問偷食原因

【點擊睇雯雯「你問我答」】：

承接上回「你問我答」，由於被網民狠批「Hea答」，張致恒一開始便承諾來一個「認真版」，惜首條問到最想老公改甚麼？雯雯只答：「好多，其實講都冇用，佢要改會自己改。」當被追問想改哪方面？她才表示不滿老公經常不沖涼，張致恒解釋只因平日要做家務、氹小朋友瞓覺，搞到三更半夜才輪到他沖涼：「所以做老竇係幾慘一件事，我有沖，只不過好晏先沖啫，邊有時間沖先得㗎。」雯雯接着狙擊指老公懶，希望對方做人積極一點，令張致恒「X」一聲無奈爆粗。

提到負責湊大仔和二仔返放學，雯雯再次發牢騷，指最近校方要求父母做的事情，老公卻永遠不記得或不會做，張致恒反駁︰「係呀，我開始老人癡呆呀，太攰喇平時。（雯雯：攰唔係藉口。）咁四個畀晒你Follow，我負責去返工。」其間網民再次重提老公偷食，雯雯直言難以釋懷，故常在網上IG撰文抒發：「我打嘅都係事實，因為冇地方發洩，所以咪咁囉，否則就自殺㗎喇。」那麼為何遲遲不離婚？她表示：「其實係想離婚，但要考慮小朋友，小朋友要分開定點呢？咁所以咪仲堅持，撐到就撐。」在旁的張致恒全程木無表情，最後僅拍拋下一句「不願置評」。

【點擊睇張致恒鬧婚變】：

不過比起首條影片，雯雯明顯歡容得多，二人不時大笑耍花槍，當問到可夠膽即場把手機解鎖給老婆查看？張致恒更霸氣說：「點解唔夠膽呀？本身都冇鎖嘅。」並謂老婆平日會自己攞電話睇，大部份IG信息也是對方幫手看。

談到保養心得，張致恒即大爆老婆私下醜態，指她多雀斑又日日對鏡擠黑頭，但講到喜歡對方哪一點時則補飛：「我鍾意佢細細粒，151cm。（雯雯：出面啲人話你鍾意身材好，我同你過往嗰啲好唔同。）好多時鍾意同搵嗰個係兩回事，同過往啲唔同唔得㗎咩，吓吓要一樣㗎咩，同埋我好鍾意女仔有雀斑，最唔鍾意佢擠黑頭啫，最鍾意區燕雯係好有愛心嘅人，對所有寵物都好有愛心。」

張致恒慨嘆破壞好機會

至於會否跟Boy'z舊隊友關智斌（Kenny）合體開騷？張致恒即一臉認真答：「應該都唔會喇啩，呢個問題唔應該問我，係問佢，應該係問想唔想，我就梗係想啦，自己曾經破壞咗一個咁好嘅機會，但基本上呢件事99%冇可能再發生，所以唔緊要啦，大家想睇可以上YouTube重溫演唱會，如果有DVD出都好，當作紀念。」雯雯亦盼望Boy'z能重踏舞台，並謂若事件成真必定全家總動員撐場，相信囝囝也渴望見到爸爸在台上表演。