「震波惡霸」麥少華爆入行半世紀辛酸嘆特約演員無權排隊搭接駁車

即時娛樂

更新時間：20:30 2023-10-23
發佈時間：20:30 2023-10-23

人稱「震波惡霸」的麥少華自70年代加入演藝圈，演過無數電影及劇集，當中以扮演惡霸、劊子手、大隻佬等角色居多，近日他接受《香港演藝人協會》訪問時，大談做特約演員的辛酸史，一直予人形象凶狠的麥少華更打趣道：「我外表凶狠，但我本身係優之良品。」

【相關閱讀】：「御用惡人」王俊棠80年代同梁家輝行時裝騷做Disco門衛獲李修賢相中露股裸跑

【點擊睇麥少華近況】：

年少時已熱愛健身的麥少華，70年代經朋友介紹入行拍廣告，人生第一個廣告於麗的電視播出，他自嘲最初因其貌不揚而獲睇中：「到今時今日都需要一啲樣衰衰、大大隻又肯認錯嘅人演呢啲角色，所以我咪有咁嘅機會，踏上（演戲）呢條路囉。」

麥少華本身正職為旅遊巴司機，至今從影半世紀亦經歷不少辛酸血淚史，他說：「我到今日為止都唔認為自己入咗行，我只係喺一個圈，係呃飯盒嘅圈其中一個人，所以唔稱得上入行，因為如果我靠呢份工，連自己食飯都唔夠，莫講話要養家、養妻活兒，所以只係兼職。」談到曾演過無數小人物角色，包括賊仔、同性戀者、領隊導遊等，麥少華笑言︰「因為我收嘅人工低，佢哋係睇邊個人工低就搵邊個演，人工高就唔該等下一次，所以我保持低工資，於是乎我出鏡率就高嘞，所以我乜都演過，其實我幾鍾意演基佬！」

人工低靠揸車養家

被問到為何仍堅持幕前工作？麥少華坦言：「一個人多姿多彩添好多顏色，你喺夢工場入面，你先做得到㗎嘛！如果你跳回現實世界，你點會有機會？」並謂當年學歷低，加上要養家無法報讀訓練班，因此若有演出機會，即使人工低也在所不計：「有呢啲參演去呃個飯盒，對我嚟講，我係覺得光榮，起碼我多個機會學嘢呀嘛！好多人連臨記都做唔到，我有機會去做，仲影埋大頭，能夠噏番兩句對白，喺現實生活係唔可能㗎嘛，於是乎人工低我都做，只要時間許可就做。」

作為特約演員的麥少華續指最不開心的，是出入某電視台連排隊搭公司接駁巴士的權利也沒有：「如果人多嘅時候，你只能夠企喺度等，等到公司本身嘅職員上晒車，有位剩先輪到我哋呢啲下等崗位嘅人，見有企位就放一個上去，否則你連排隊上車都冇得排，所以我對呢件事好反感，外景好啲，因為我可以自己去、自己走嘛，所以而家（演出）比較少。」他坦言曾洽談轉為全職演員，惜人工只得正職三分之一，完全不夠糊口，因此最終沒有達成。