蔣怡暴瘦多月突入院做手術難掩病容三日食不下咽見醫院伙食細緻品評

更新時間：19:30 2023-10-24
發佈時間：19:30 2023-10-24

現年46歲的模特兒蔣怡，後來轉型做主持，2013年嫁給著名珠寶設計師翁狄森後，誕下一子一女，大女已經10歲，細他也已5歲大。蔣怡婚後養尊處優只主持節目，以及相隔近十年才拍劇，接連參演《飛虎3之壯志英雄》及《法證先鋒V》。不過蔣怡今年7月現身書展時，瘦到胸骨現形，健康情況令人擔心，今日（24日）她更突然在社交網出三個帖文，自爆入院做手術，不過未有交代病因，只表示好快可以出院，獲大批網民送上慰問。

【點擊睇蔣怡激瘦入院相】：

蔣怡早前現身時，已見到其瘦削身形變得更皮包骨，沒想到今日蔣怡在社交網出PO，上載身處醫院躺在病床上的照片。相中見到蔣怡戴上口罩，披上豹紋毛毯，一臉倦容，另一張相見到蔣怡的左手插上靜脈注射的針頭，她舉起V字手勢報平安。蔣怡的第一個帖文以英文寫道：「入院的一日，謝謝護士給我提供非常時尚的毯子為我保暖」，另一個帖文留言：「Don't worry！I'm fine！神智清醒！好快可以出院，聽日繼續有 #翁家愛心飯盒」。

蔣怡餓到手腳無力

相隔4小時後蔣怡再出新帖文，見到一碟清蒸盲曹魚柳配白飯，還有一碗例湯，蔣怡似是回復精神品評飯菜：「從來都冇諗過會comment一間醫院的伙食，不過當我經歷咗三日感冒食不下咽，然後又經歷咗一晚加大半日的禁食餓到手腳冇力，今日手術之後，食到呢碟熱辣辣的清蒸盲曹魚柳，清清地，嫩嫩地，心裏面有一種好溫暖嘅感覺，真心多謝醫院廚房的師傅，咁用心為病人準備飯餐，就算唔可以煎炒煮炸，唔可以甜酸苦辣，但都擺得靚靚，令人見到都好開心。作為廚師邊個唔想有無限資源可以揮灑自如，偏偏喺醫院廚房呢個地方有諸多限制，俾我就真係冇咩心機煮了，所以要向呢啲大師傅致敬，多謝！食物真係可以療癒心靈，食物真係可以傳遞愛」。