星8卦|「霸氣」專吸騎呢男 一腳踏幾船玩夠變孤獨精
更新時間:11:00 2023-11-10
發佈時間:11:00 2023-11-10
發佈時間:11:00 2023-11-10
![](https://image.hkhl.hk/f/1024p0/0x0/100/none/2903aae24890b2a9639c295842fcea5a/2023-11/__8_.png)
「霸氣」到而家仲係對「才子」念念不忘,為因咁多年佢都係同呢個男人最投緣。「霸氣」近年係Dry得好緊要,多少同佢嘅性格有關,但奇在後生幾年晚晚都可以有唔同男人。講真佢咁惡,無乜女性魅力,但成日都有奇怪男人埋身,「矮佬」原來好崇拜佢,「霸氣」初時都好抗拒,不過「矮佬」大男人性格好吸引「霸氣」,咁多年都恨小鳥依人,所以好快都唔介意一齊住。嗰陣「霸氣」同「設計師」仲未分開,有一段時間「霸氣」出嚟衣着打扮好得體,就係「設計師」嘅功勞。
「霸氣」最威係呢段時間,同時有兩個男人欲斷難斷,而且兩個都係瘦弱男人,令佢充份發揮母性,後嚟「矮佬」直情好似咬軟咁,都係「霸氣」做成,話買咗幾十萬禮物送畀自己生日,月尾咪又係幫佢找數。
「才子」出現喺「矮佬」中間,不如咁講,咪睇「霸氣」成個男人咁,佢好吸啲拖拖拉拉嘅男人,「才子」同佢合作咗一次,兩個就好似孖公仔咁出雙入對,日頭係好姊妹,晚黑就瞓埋一張床,「矮佬」知唔知?梗係唔知,因為每晚「矮佬」瞓覺佢就出動,兩個人一間屋兩間房,「霸氣」背住佢出街去「才子」嘅行宮開心,如是者都維持咗幾年。所以兩個唔可能喺埋一齊嘅人可以成20年至分開,係大家搵到空間,可惜「才子」又係有老婆,係「霸氣」玩厭自己要分手啫!
【相關文章】:
星8卦|「少爺仔」追求「妹仔」玩純情落錯注 揭「妹仔」性取向
《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ