劉鑾雄記者會｜全城競猜《愛回家》硬膠女星前港姐屢傳五官「進化」成最大嫌疑

即時娛樂

更新時間：12:10 2023-11-11
發佈時間：12:10 2023-11-11

富商「大劉」劉鑾雄昨日（10日）突然召開記者會回應坊間傳聞，其間再次爆出大量金句，被問到有否繼續追看TVB處境劇《愛回家之開心速遞》時，他更直指劇中某女演員「笑得硬膠」，旋即掀起全城競猜誰是「硬膠」女星！

【相關閱讀】：劉鑾雄記者會丨講完《東張》再講《愛回家》女演員首次接觸潮語「壞過凱婷」：吓？

【點擊睇硬膠女星嫌疑人】：

大劉昨日在記者會上揞名笑道：「講起《愛回家》就好笑，我見到有個角色，唔開名啦，廢事話我針對佢，佢笑起上嚟真係硬膠，肌肉實到唔識郁㗎！（邊個啊？男定女？）男就好少整到咁硬膠，梗係女㗎啦，啲肌肉真係硬晒唔識郁，咁人哋都係為咗搵食。」

對此，一眾網民紛紛在各大討論區開Po議論，有人猜測是屢傳整容的劉思希，劇中她飾演六美飯團之一的「楊洋（Susan）」，惟2020年起因檔期問題暫別劇組，故大部分人都覺得她並非大劉所指之人。同樣曾被指五官「進化」的2019年港姐季軍古佩玲，則被網民認為是最大嫌疑人，自2020年加入《愛回家》的她飾演神婆「申瑞素（June）」一角，近年不但戲份越佔越重，更與「風少」陳浚霆傳戲假情真。

【點擊睇古佩玲變化】：

另外三位呼聲甚高的，分別是「熊尚善」滕麗名、「大小姐」林淑敏及「三太」樊亦敏，但不少網民力撐她們表情豐富，估計未有再面部大動手腳：「唔會大小姐啦，成日發癲，面部表情豐富」、「尚善好似最多表情喎，誇張到眼花，最似係素素」等，亦有人直指古佩玲近年撞樣不同女星：「佢咪就係整到成個Chantel（姚焯菲）咁樣囉」、「佢同劉佩玥好似樣」、「佘詩曼2.0」、「佢有種講唔出的奇怪美，唔似天生，或自然生長，未至於好靚。應該講，佢面上太多直線，太少弧度」。