陳淑蘭罕談曾怒摑港姐冠軍！直認「唔止一巴」 與方中信4年情疑被介入：我好嬲
發佈時間：18:00 2023-11-13
88年港姐亞軍陳淑蘭入行後有過不少戀情，不過最令印象深刻，一定是與方中信的一段情。當年外界這對「金童玉女」，不過這段情因兩人同屬火爆之人，經常有爭執，結果只維持4年就玩完，其後亦有指因莫可欣介入而分手，陳淑蘭曾為此而怒摑對方！陳淑蘭多年都未有提事件，日前她與周國豐和伍仲衡開live，罕談這個傳聞：「我有，唔止一巴，不過講完就算喇！」
【相關閱讀】：陳淑蘭為舊愛祈文傑生日獻上香吻 分手後關係親如家人般愛護疼錫
【點擊睇陳淑蘭講莫可欣】：
陳淑蘭（蘭子）日前接受伍仲衡YouTube Channel邀請，與昔日拍檔周國豐和伍仲衡一齊傾偈，向來大情大性的陳淑蘭直播期間提到自己過往多段感情，不過就表示自己現時沒有拍拖，期間有人留言問陳淑蘭有否試過做第三者，陳淑蘭大方地說：「有，不過我係喺唔知情嘅情況下，原來佢同女朋友冇分手，直到有一次打風，我喺佢屋企睇電視，半夜突然電話響，聽到男友尷尷尬尬咁講電話咪發覺，但係佢最終都冇同我講。」期間又有人留言：「蘭子打過莫可欣一巴」，有問必答的陳淑蘭明顯有所避忌，煞有介事地回應：「我有，唔止一巴，不過講完就算喇，Skip呢條，但至少算答咗啦係咪？」周國豐再問是否人生最激行動？陳淑蘭說：「我好嬲，係因為我好嬲個男人，嗰個男人呃我！」不過兩人始終未有開名。
【點擊睇陳淑蘭與舊愛昔日合照】：
陳淑蘭在2006年被爆與利希慎後人利承武拍拖，雖然兩人屢傳婚訊，但始終沒有承認過戀人關係，直到2018年，陳淑蘭與利承武已經正式分手，其後爆出利承武已經結婚並榮升人父，不過陳淑蘭至今依然小姑獨處。在節目上，陳淑蘭坦言現時一個人都好開心，她不排除將來「白馬王子」坐住隻烏龜來臨：「唔係要求高，我五年冇拍拖喇！好多人覺得我好慘，好似會孤獨終老，我覺得最緊要係健健康康，我屋企有4狗3貓2雀，真係好熱鬧！我一啲都冇Lonely。我而家係隨遇而安，feel到唔得唔好嘥時間，而家生活好開心，好多朋友冇結婚，大家出嚟吃喝玩樂好開心！」
陳淑蘭憶亡母激動落淚
陳淑蘭在節目大顯歌喉，當她唱《月亮代表我的心》時，因想起亡母而一度激動落淚，雖然不是有血緣的親生媽媽，但陳淑蘭依然視她為唯一媽媽：「希望下一世可以再做母女，不過呢個阿女成日蝦阿媽，所以下世輪到我做媽媽，佢做女！我本身好鍾意老人家，想開老人院，而家啲科技發達，可以搵機械人可以照顧老人，但係未必喺香港，啲租太貴喇，賺到啲錢幫窮嗰啲老人家。」
【其他文章】：
陳淑蘭揭身世非媽媽親生！喪母一年母親節前倍感觸 病母臨終爆驚人秘密即驗DNA
家有囍事｜陳淑蘭54歲牛一合體黃百鳴掀回憶殺 派對載歌載舞晒「鉛筆腿」
53歲陳淑蘭罕有露面撞樣60歲關之琳 鬈髮配煙燻眼妝相似度極高
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
