前亞視一姐薛影儀打白髮婆婆被轟冇良心 聞前經理人林寶玉激動扯火爆粗
發佈時間：21:00 2023-11-15
現年39歲的「亞視一姐」薛影儀（阿儀）被指遭黃榕帶壞，早前公開臭罵經理人林寶玉後直入雪櫃，今年9月先被AMM（亞洲心動娛樂）無限期停工，後再傳被公司炒魷，淪為失業大軍的她就黐住黃榕一班「損友」周圍去，繼學武術體操、肚皮舞及彈琴後，日前仲學埋泰拳，強身健體。
【相關閱讀】：黃榕「獨食」單拖出席收錢活動掟走薛影儀 夏蕙BB仙女下凡應節
【點擊睇薛影儀打阿婆】：
薛影儀近月積極經營社交平台，同時不斷自我增值，日前她於IG透露到中心學泰拳，並上載多段課堂花絮片，由於今次是親子班，片中所見現場均是小童與家長切磋互動，唯獨薛影儀卻與一名白髮斑斑老婦人對打，不少網民睇見紛紛留言驚嘆：「個阿婆幾廿歲，你好意思打落去？你做人有冇良心？」、「做咩打阿婆，我對你好失望」、「你係咪去咗老人院同啲阿婆打交」。
不過，見薛影儀猶如「慢鏡」一樣，姐手姐腳一下一下慢慢打，連老婦人也眼都冇眨，處之泰然，足證她毫無殺傷力可言。有口痕網友則表示恨睇她與林寶玉隻揪：「係咪想打寶玉」、「培生擂台需要你」、「學好啲拳，鍾培生可能會搵你同寶玉打番場」等，當被問到會否跟林寶玉對打？薛影儀即扯火爆粗覆網民：「打佢老X！」
【點擊睇薛影儀林寶玉恩怨】：
《星島頭條》上月獨家爆，AMM認為薛影儀多次失場又盜用公司IG，加上死未性不改唔聽話，故狠心提前終止她的藝人合約，令黃榕名正言順坐正做「監護人」，連日來不停為薛影儀四圍搵工。雖然黃榕否認做對方經理人，強調雙方是朋友關係，但她坦言有工作都會介紹給薛影儀，更會幫手物色經理人：「佢而家每日學嘢增值自己，都鍾意做藝人拍嘢，聽聞暫時有朋友想搵阿儀拍短劇，但都會叫佢哋直接搵阿儀。」
【其他文章】：
52歲馬浚偉認與娘家TVB有聯絡 林寶玉自揭離職與薛影儀有關？
亞視一姐薛影儀傳加入失業大軍！見工獲黃榕全程陪伴 轉型做主播無聲氣
獨家丨薛影儀「X」出禍「一姐」生涯玩完 損友黃榕廣發訊息助搵工洩被炒
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
