中年好聲音丨伍仲衡23年前長髮瘦樣曝光！曾與評判拍檔周國豐同台 後生竟似型男馮德倫？
發佈時間：21:50 2023-11-16
伍仲衡（伍Sir）連續兩季擔任《中年好聲音》評審而更加入屋，他與另一評判肥媽經常鬥嘴，令觀眾看得過癮。伍仲衡亦有經營YouTube頻道，經常與周國豐合體開Live，早前便請來大情大性的陳淑蘭，她在節目中提及過往多段感情，更直認曾怒摑情敵一巴。以為伍仲衡與周國豐合作做評審才擦出火花，但原來兩人早於23年前已曾同台。
【相關閱讀】： 陳淑蘭罕談曾怒摑港姐冠軍！直認「唔止一巴」 與方中信4年情疑被介入：我好嬲
【點擊睇伍仲衡周國豐23年前已同台片段】：
伍仲衡早前在《CASH》記者會上，因讀出提名名單時講錯人名及歌名被網民狂插並指他脫節，幾日後即將50歲的他曾解釋因老花所致，但其實他亦曾參加2000年舉辦的《第12屆CASH流行曲創作大賽》，而當時的司儀正是周國豐。伍仲衡日前在FB寫上：「收嘢呀周國豐🤣🤣🤣🤣🤣 23年前 #第十二屆CASH流行曲創作大賽」，當時伍仲衡流有一頭長髮，而且表情不羈，經常單手插袋，與現在分別不大，唯一最大改變是面型及身形。當時伍仲衡親自作曲填詞的歌曲叫《愛一個人原來不易》，想不到經常在節目中晒「港普」的他，當時會填上普通話詞，而唱出其作品的為歌手彭海桐，曾為張學友及彭羚等作曲。而伍仲衡最終獲得亞軍，冠軍則為與他相當老友的王菀之。
【點擊睇周國豐參加《新秀》片段】：
現時有點發福的伍仲衡竟笑言：「我覺得咁瘦好肉酸， 我喜歡現在的我， 幸福肥Yeah」，網民也搞笑回覆：「伍sir，嗰陣時有冇諗過首歌要穿透評判嘅心作為目標？」、「以前幾型仔喎，懶係嗰隻仲要係好有穿透力嗰種」、「伍Sir，你當年側面真係好似馮德倫」，還有人讚他現在肥點更有親和力，不像以前經常黑口黑面。而另一當事人周國豐也忍不住回應：「夜媽媽！出埋啲咁鬼樣嘅片，你唔驚㗎咩？好唔老黎。嘩！超過兩萬次觀看」，伍仲衡卻笑言：「我完全冇印象曾經同你同台， 深感榮幸……你應該」。
【其他文章】：
中年好聲音丨顏志恒老婆驚喜現身上台合唱 終極目標踏足紅館開演唱會
中年好聲音2丨黑馬王玥搔首弄姿肢體生硬！肥媽反讚激似葉玉卿 男評判零反應
中年好聲音2 丨李蕙敏久休復出任評審星味依舊 大熱劉可搣甩哭腔竟遭伍仲衡狠批？
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
