68歲金燕玲花五年接受同性戀！否認因離婚變攣大爆蘇施黃冧爆追求招數

更新時間：19:00 2023-12-01
發佈時間：19:00 2023-12-01

曾四奪金像女配角的68歲金燕玲演藝之路順風順水，可惜情路崎嶇。經歷過兩段失敗的婚姻後，金燕玲於年屆50之時回流香港拍戲，機緣巧合下遇上現時的伴侶蘇施黃，二人同甘共苦18年，讓她終覓得好歸宿。近日，金燕玲接受由衛詩雅主持的網上節目《衛食攻略》訪問，大方剖白「性向轉變」的心路歷程，還爆當年被蘇施黃的追求招數。

【相關閱讀】：蘇施黃完成化療3個月手腫麻痺腳板凸起全日攤牀休養嚇親金燕玲

【點擊睇金燕玲談愛情】：

金燕玲曾有兩段婚姻，1975年嫁采蝶軒老闆梁廷斌，婚後定居英國，惜維繫6年便結束；直到1989年，她因意外懷孕與英國執業大律師Robert Wong結婚，無奈老公傳有第三者，金燕玲為給女兒一個完整家庭，選擇忍氣吞聲，最終在囡囡鼓勵下離開英國，2005年宣告離婚收場，當時已經50歲的她回港遇上蘇施黃。

否認受刺激愛上女人

節目中提及忽然轉性取向，金燕玲直言：「我唔係因為離婚受咗刺激，從此對男人冇興趣，結果就鍾意女人，我完全唔係咁樣！我係因為佢（蘇施黃）畀咗一個照顧我嘅方案，但我話：『我唔係攣㗎喎。』，之前係完全冇諗過，同埋我話：『我唔識㗎喎，你要做乜㗎？』，哈哈！」

金燕玲續指，起初雙方只是雀友關係，一點都不熟，後來見過幾次面，蘇施黃展開攻勢追到去英國，她甜笑道：「你都唔知佢追我時係幾咁romantic，佢情人節飛嚟倫敦一日。佢呃我話有個朋友會嚟倫敦，問我喺香港有乜嘢需要買，託佢拎畀我。我話英國好難買中式鑊，如果佢朋友唔介意就幫我買兩隻鑊過嚟啦，之後佢話朋友到咗英國，畀咗酒店地址叫我搵佢攞，第二日晏晝去到就係佢！」及後，金燕玲隨對方上房食晏，閒談期間她更毫不避忌問對方：「你係天生咁樣？」

【點擊睇蘇施黃病癒近況】：

金燕玲又不諱言，當時只是「貪圖」蘇施黃的照顧：「你係我嘅partner，我哋係一齊住，你出去你都係我嘅the other half（另一半）。」最終，兩人相處了差不多五、六年才覺得舒適，她坦言被對方改變了許多想法：「我從『唔知捱到幾耐』嘅心態同佢開始，結果我同呢個人嘅時間係長過我兩段婚姻加埋！佢從來冇逼我做任何事。我哋一人一間房，生活獨立、經濟獨立，但係屋企照顧佢做到嘅佢盡量照顧晒。」

回想過去兩段婚姻，金燕玲說：「以前兩段婚姻我係奉獻，對方鍾意呢樣嘢，我就去做，氹佢開心，付出係冇問題，但付出到冇自己就係一個問題。」並警醒女士們：「為屋企為老公為仔女付出係應該，但你唔可以冇咗自己，你應該要保持自己嘅興趣，同埋工作。」