TVB「御用傻仔」戴耀明獲入職30年金牌 八旬母笑開懷被囝囝嘲戲屎
發佈時間：17:30 2023-12-02
有TVB「御用傻仔」之稱的51歲甘草演員戴耀明1993年離開亞視，翌年於無綫第6期藝員進修班畢業，及後參演過無數劇集，直到去年終憑《青春不要臉》首度入圍《萬千星輝頒獎典禮》之「最受歡迎電視男角色」及「最佳男配角」十強。轉眼戴耀明已經效力TVB 30年，日前他於社交網拍片晒金牌。
【相關閱讀】：戴耀明83歲媽媽入院爆連環不幸事件 中流感傷腰再中新冠大呻：黑仔到一個點
【點擊睇戴耀明晒金牌】：
早前TVB舉行《長期服務暨傑出員工榮譽大獎頒獎典禮2023》，向旗下229位職藝員頒獎以作答謝，其中獲得30年金牌的戴耀明因工作關係而缺席，近日他終於從橫店回港領獎，事後於社交網拍片報喜：「咁就30年了，人生匆匆。在這裏，祝願和我一起在公司30年的同事們，健康快樂，既然時間不能重回，那就活在當下，珍惜每一天。」
一向是圈中公認孝順仔的戴耀明，第一時間把金牌帶回家給媽媽看，更兩母子一起拍片放笑彈，他說：「嘩！哇，呢個係服務咗無綫30年，從來未走過先拎到呢個金牌。」並謂當年自己得20歲、媽媽50多歲，時間過得好快，笑到雙眼變一條線的戴媽媽引以為傲說：「呢個金牌好靚喎，真係叻仔啦，做咗30年咁耐。阿媽仲希望你繼續做落去…繼續服務無綫…做夠40年、50年、60年！」
【點擊睇戴耀明母子情深】：
最後，在鏡頭前表現生硬的戴媽媽「哈哈哈」乾笑三聲，結果被囝囝抵死嘲笑：「笑得咁慘嘅你，笑得開心啲得唔得呀！」又要求對方「啲戲畀多少少」，戴媽媽即爆笑詐型：「點呀！笑得好開心㗎喇，畀你激死呀真係。」笑到唞不到氣的戴耀明就賣口乖，祝願媽媽長命百歲，繼續見證他的演藝之路。
【其他文章】：
獨家丨「綠葉王」戴耀明31年主角夢未醒：想做一次 19歲入行識搞笑奢望做星爺接班人
萬千星輝頒獎典禮2022｜戴耀明失落男配角獎 木屋區長大父車禍母患胃潰瘍艱苦追夢
萬千星輝2022. 戰衣前哨戰｜林敏驄激罕扮Cool影宣傳照 戴耀明官仔骨骨睇唔慣
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
