40歲洪永城老婆梁諾妍宣佈再度懷孕 曝光預產期：Sirface no.2出年見
發佈時間：20:39 2023-12-06
恭喜！洪永城囡囡Amber終於榮升做姊姊！洪永城（Tony）與梁諾妍（Inez）於2021年結婚後育有囡囡Amber，日前洪永城被爆再度榮升做爸爸，不過當時只笑說：「未宣布得住囉，你想我講咩啫？應該好快可以宣布！」今日（6日）梁諾妍在社交平台宣佈喜訊，貼了一張一家四口拎着超聲波相片說：「Sirface no.2 ，我哋喺出年4月頭見！」
【相關閱讀】：洪永城老婆梁諾妍傳再懷孕！回應暗藏玄機 Sir Face有望榮升家姐
【點擊睇Sirface no.2超聲波相】：
今日是洪永城的40歲生日，太太梁諾妍選擇在老公正日生日宣佈喜訊，份外有意義，了一張一家四口拎着超聲波相片說：「洪爸爸今年嘅生日禮物，唔知道，你上年嘅生日願望係唔係三年抱兩呢？如果係嘅，恭喜你，你願望成真啦！決定喺你生日同大家分享呢個喜訊，夠晒meaningful呢！」梁諾妍續說：「祝你生日快樂，身體健康，健健康康照顧我，照顧Molly 同Sirface，同埋Sirface no2。相信你嘅基因真係好強大，超聲波嘅寶寶已經覺得好似你，多謝大家嘅祝福，Sirface no2 ，我哋喺出年4月頭見！」
梁諾妍洪永城未知BB性別
梁諾妍其後開IG live，不少網民留言恭喜，當中亦有人追問BB的性別，不過梁諾妍說：「我同洪生都唔知，除咗醫生之外，暫時得契媽先。對上一次陀sir face係 well prepare，好多嘢都係計足晒，唔係意外，等佢出現，但係呢胎反而冇，嗰陣跑完馬拉松，喺3、4月開始試，冇特別去計，係好自然咁自己嚟。」接着大不少網民加入討論sir face no.2的性別，梁諾妍笑說：「我陀sir face好似肉地多啲，而家我重咗8-10kg，仲覺得個人醜樣咗，個鼻好似大咗啲，但係我媽咪陀我嗰陣，個鼻都係大咗，陀我哥哥同細佬，個肚都係圓，所以真係好難講，我哋都冇乜所謂，最緊要係健健康康，BB好活躍，成日都踢我。」有網民留言問Sir face是否知道即將做姐姐？梁諾妍笑說：「我有同佢講媽咪有baby，佢有摸摸我個肚。」
【點擊睇Sir Face得意相】：
身為馬拉松選手兼健身教練的梁諾妍，自從傳出懷有第二胎後，仍然在社交平台分別貼上運動和舉家露營的相片，她的身形依然FIT爆兼零孕味，其實梁諾妍陀第一胎的時候，仍然保持跑步習慣，當時已經被網民力勸，但梁諾妍稱已諮詢過醫生意見，其後更撰長文解釋運動對孕婦的好處，梁諾妍提醒每人體質不同，要量力而為，又稱懷孕媽媽如果在陀寶寶前有做運動的習慣，懷孕期間可以繼續做適量運動，可以減少孕吐及不適，亦可以促進新陳代謝、血液循環、釋放安多酚，令媽媽身心靈健康。
【其他文章】：
Sir Face睇黃翠如旅遊書即現洪永城表情 未夠兩歲榮升表姐 媽咪最怕一件事
洪永城歲半囡囡Sir Face首次玩雪着到似糭 手仔講電話變攤大手掌萌爆
洪永城囡囡Sir Face大力打狗？原來學爸爸 餅印父女戲精上身配合度極高
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
