星8卦｜「生果」溝仔叻有男人緣 慘痛經歷獲老公包容有後福
更新時間：11:30 2023-12-12
發佈時間：11:30 2023-12-12
發佈時間：11:30 2023-12-12
字體大小
「生果」都成半百歲人，但仍然保持恐怖嘅少女心，出親嚟都好似30年前嘅模樣，呢啲唔係叫童顏，而係叫唔肯認老。「生果」雖然冇乜機會大紅過，但溝仔能力好強，咁多年唔使出嚟賣，但個個男人都畀錢佢使，而且好捨得。
直到有次簽咗個騎呢經理人，咁啱喺屋企出咗事，條友唔知做乜，講話自己個藝人俾人搞，搞到全城震撼，不過好彩「生果」份人平時好好，積落唔少福，單嘢好快就俾大家撳住，咁多年都唔會俾人攞出嚟做新聞，呢啲都係「生果」嘅不幸中大幸。
「生果」因為桃花旺，好快就遇到而家嘅老公，佢完全唔介意女友嘅過去，仲好快就求婚，搞到「生果」覺得係唔係㗎，本小姐唔想咁快俾人綁住，所以一直唔肯應承同佢確認名份。最離譜係其間「生果」遇到自細就好想識嘅「男神」，竟然有機會合作，佢梗係唔客氣，運用媚功同天生溝仔嘅特異功能，一心將對方搞掂。
哈，你又估佢唔到原來「男神」對女人完全無興趣，唔怪得「生果」扭盡六壬都無辦法埋到身。呢個時候而家個老公再出聲話娶佢，「生果」覺得呢個時候都唔好再玩，所以肯做人妻，好彩老公一直對佢好真心，所以婚後仲畀佢出嚟扮美少女，屋企有男人錫嘅女人，真係以為自己永遠青春㗎，任性係要有條件嘅！
【相關文章】：
星8卦｜「阿太」心野想搞不倫戀上位 被「無敵」直白踢爆收皮冇癮
《星島申訴王》將推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最Hit
前TVB小生首現英皇團拜！大合照被安排在C位相當得寵 楊受成博士豪宅巨型花園擠滿愛將場面溫馨
2025-01-30 19:00
白雪仙跑馬地豪宅設宴排場驚人！巨型鮑魚款待親友夠闊綽 80歲愛徒龍劍笙現身狀態令人震驚
2025-01-30 19:30
80年代主持二度中風趁新春首曝光身體狀況 手震寫揮春拜年 行路躺床轉身要人幫
2025-01-30 22:00
