金手指丨陳家樂掂梁朝偉獲讚「夠薑」 周家怡與影帝偶像有動作戲直呼：好正！
發佈時間：19:20 2023-12-11
由梁朝偉和劉德華主演電影《金手指》將於本月底公映，今日（11日）《金手指》導演莊文強與戲中一班演員如陳家樂、周家怡、何啟華、洪卓立及白只等到中環出席終極預告片首播。周家怡在《金手指》中飾演劉德華太太，周家怡表示好榮幸，亦很多謝導演和監製，而更開心的是周家怡與偶像梁朝偉更有動作戲，笑言拍之前也需要好大勇氣：「打落去嗰吓內心都有少少虛虛地，但真係好開心，嚟咗兩三個take，但感覺好正！」
【相關閱讀】：金手指預告片｜精彩預告逐格睇！梁朝偉一對白展大貪野心 倒銀紙場面壯觀
【點擊睇金手指】：
周家怡又謂很期待看這部電影，因為當中呈現7、80年代的香港之餘，因為香港很久只沒有一套那麼大型的電影，她笑言也很期待導演可以再找她拍戲，又指今次與梁朝偉的合作未夠喉，問到下次是否想做對方老婆？她說：「咁就不得了！」
陳家樂掂梁朝偉「夠薑」
陳家樂於戲中飾演富家子，與梁朝偉亦有對手戲，而他更自爆自己曾向導演詢問是否可以在戲中掂梁朝偉，他事後解釋指因該場戲是講兩人有衝突，對戲的時候覺得有身體接觸會好一點，所以就問導演是否可以掂對方，誰知導演聽完後則表示他夠薑：「拍攝嗰陣真係好緊張，口都震埋，其實呢啲係自己比自己嘅壓力，導演都叫我哋唔可以有當自己係新人嘅心態，要自己慢慢調節。」
何啟華緊張到「食螺絲」
何啟華（阿Dee）透露最深刻的是第一場戲就是與梁朝偉合作，自己當刻超緊張，而一起拍的還有胡子彤、楊天宇及徐浩昌，4人亦因太緊張關係搞到「食螺絲」，阿Dee 又笑言自己在梁朝偉面前好像不懂做戲般：「其實佢好友善，會主動同我哋傾吓偈。」不過阿Dee指拍完戲後有遺憾，皆因沒有找對方影相：「大家都流晒口水，但係都冇人敢開口影合照，因唔想喺片場上犯上「低級錯誤」騷擾到梁朝偉，又唔後悔嘅，有就無憾，睇下首映有冇機會，或者到時四個一齊開口。」
【其他文章】：
金手指丨梁朝偉視劉德華為最佳拍檔 直言私交不多每隔20年合作仍默契十足
梁朝偉《金手指》奸笑離奇撞樣何守信 等上台再現社恐樣隔籬劉德華變「社牛」
梁朝偉劉德華相隔20年再合作互笠高帽 齊齊教壞蔡卓妍遲到兼駁嘴
《星島申訴王》將推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
金手指丨梁朝偉視劉德華為最佳拍檔 直言私交不多每隔20年合作仍默契十足
