鄧卓殷穿婚紗做一舉動陷走光邊緣 男友郭子豪Man爆保護解困
發佈時間：21:30 2023-12-14
現年28歲的2018年港姐亞軍鄧卓殷當選後不久便爆戀情，於2019年傳出與郭子豪相戀，二人拍拖至今已經四年，感情穩定兼屢傳婚訊。日前鄧卓殷在社交網貼出與郭子豪的婚照，又留言：「一齊咗四年幾，應承咗大家，有好消息一定會同大家講，我哋終於...」，不少網民即留言恭喜，以為好事近，原來二人只是為內地真人騷《炙愛之戰》拍攝。鄧卓殷昨日再貼出新相，竟然因為一個舉動，險些導致春光乍洩。
【相關閱讀】：前港姐鄧卓殷遭富二代男友箍胸喪搖放閃 郭子豪曾傳偷食高調護花
【點擊睇鄧卓殷郭子豪放閃】：
指拖多年，鄧卓殷與郭子豪未有好消息，不過就以情侶檔搵食，二人亮相內地真人騷《炙愛之戰》，穿上婚紗禮服拍攝，當作預演婚禮，只不過比賽時要走在泥灘，令二人舉步難行，鄧卓殷期間更不小心甩鞋，最終要用手套當鞋着，避免被泥灘裏面的蠔殼刮傷腳。郭子豪為保護女友鄧卓殷，即孭起對方，又幫鄧卓殷整理婚紗裙襬，不惜鄧卓殷走在泥灘極為不便，索性抽起裙襬步行，卻意外露出大腿及近臀部位置，導致險些走光。
鄧卓殷留言冧郭子豪
鄧卓殷留言：「這個節目真的不容易，冇諗過第一個挑戰已經咁難，拍攝當日只睡了兩小時，0300 call time，仲早過拍劇。喺泥灘跑嘅難度真係唔可以睇小，一步一步都好艱難，跑到喉嚨超級乾，眼望前面嘅天空已經係一片白色，喺覺得好辛苦好想放棄之際……見到郭子豪已經喺前面幫我搵到條最容易行嘅路，走得好遠，同自己講『唔可以白費佢嘅努力』，用盡力氣提起兩隻好似唔係自己嘅腳，係咁一直向前跑，好似係人生將體能用到最極致嘅一次，跑到連鞋都甩咗喺中間都冇理，赤腳走埋最尾嘅一段路。路即使更難行，有你在旁，也都會完成。」
【點擊睇鄧卓殷靚相】：
【其他文章】：
鄧卓殷用普拉提「調教」郭子豪 親授4組動作訓練伴侶做跟得男友
鄧卓殷成功轉型做健身教練 自貼4年前、後美背對比圖 脊椎嚴重側彎嚇窒網民
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
