周吉佩一家四口做義工當家庭聚會 結婚周年與太太拍拖食飯重溫初戀感覺
發佈時間：16:30 2023-12-16
周吉佩（吉吉）與太太黃彥欣今日（16日）帶同一對子女Imogen及Jasper到社區中心出席聖誕活動，聯同一班「吉S粉（Fans暱稱）」齊齊跟一班長者及殘疾人士唱歌兼玩遊戲，提早慶祝聖誕節。
【相關閱讀】：歡樂滿東華2023丨陳曉東掉低老婆囡囡獨自去旅行 周吉佩呻出糧唔穩定：有啲驚
【點擊睇周吉佩一家出席活動相】：
周吉佩透露跟吉S粉本身有計劃一齊慶賀聖誕節，但覺得跟一班長者及殘疾人士一起慶祝會更有意義，又讚吉S粉一向好主動，上次一起做義工感覺好開心，所以今次再接再厲再舉辦活動。
近年忙過不停的周吉佩，笑言今次帶同子女參與活動，就當作家庭聚會。他說：「我自己帶佢哋出嚟義工服務，就係第一次，佢哋出嚟已經問係咪開聖誕派對？我話呢個聖誕派對係幫助有需要人士，覺得身教小朋友好緊要。」周吉佩又指近月忙於商演，雖然曾有人洽談邀請「中年好聲音」歌手出埠演出，但最後未成事，不過好期待能夠實現。他說：「我哋都有傾，如果無其他人邀請開音樂會，不如我哋自己整個Live嚟玩下啦！近近地澳門、星馬泰、內地、美加都想去開騷。」
【點擊睇周吉佩慶祝結婚九周年】：
周吉佩與太太重溫初戀感覺
吉吉早前一家四口到韓國旅行，問到可有新旅行計劃？他笑言原本打算跟太太來個「快閃」旅行過二人世界，但無論去邊也沒所謂，因為玩兩日一夜選擇不多，又認為最重要夾到時間實行。他說：「之前結婚周年，我哋兩個好似拍拖生活食咗餐飯，乜都無做，返去初戀感覺！原來咁簡單好開心。」
【其他文章】：
周吉佩晒13年前甜蜜照向前港姐妻深情告白！自認窮小子：今世為你賣命
周吉佩慳家與前港姐妻黃彥欣慶祝結婚九周年 人均消費任食XXX元睇戲吹海風已滿足
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
