梁朝偉突襲商台致林海峰連翻失言場面尷尬牽扯出張學友遭埋怨

更新時間：21:30 2023-12-19
發佈時間：21:30 2023-12-19

由影帝梁朝偉和劉德華主演電影《金手指》將於本月底公映，梁朝偉最近忙於為電影宣傳，今早（19日）梁朝偉突襲商台節目《在晴朗的一天出發》做嘉賓，Facebook更上載梁朝偉現身的照片，寫道：「突發！有貴賓到訪！林公子要親自熱情款待！」見到不少員工一早到場搵影帝集郵，非常熱鬧。不過近日忙於開Show的林海峰，未知是否太攰，竟然兩度講錯嘢，搞到梁朝偉一臉尷尬。

【相關閱讀】：行運超人20周年丨楊千嬅與梁朝偉合照勾集體回憶！吳若希年年翻睇網民跪求再合作

【點擊睇梁朝偉突襲商台】：

林海峰在訪問中大笠高帽，稱讚梁朝偉是他認識的圈中人之中，最勤力又好學的人。林海峰又稱好懷念演喜劇的梁朝偉，想再翻睇是對方主演的電影《咖喱辣椒》，不過沒有演出《咖喱辣椒》的梁朝偉，一如以往寡言，露出尷尬笑容未有回應，亦沒有糾正林海峰講錯片名。林海峰見梁朝偉笑而不語，又再笑說︰「即刻唔答我」，只獲梁朝偉輕輕帶過話題：「我反而享受嗰陣啲演出，因為冇包袱，冇乜人對你有咩期望。」

林海峰道歉罰抄一千次

事後林海峰才發現自己講錯說話，即在社交網出PO補鑊，貼出梁朝偉與張學友主演《亞飛與亞基》的劇照，並寫道：「I'll chop myself into pieces! #罰抄一千次阿飛與阿基」，不少網民為林海峰護航，認為兩片都是由張學友主演，才會出現混淆，更有有網民打趣留言：「最衰張學友」，也有人建議林海峰加重刑罰：「訪問中多次提起“咖哩辣椒”，梁朝偉點比（俾）反應好呢，罰睇一千次先得。」

【點擊睇梁朝偉其他照片】：

梁朝偉對林海峰的失誤未有介懷，二人更在節目中談笑風生，已有多年沒有到電台受訪的梁朝偉，再踏足電台沒有不自在：「以前成日嚟，好多人好耐冇見。（會唔會唔習慣？）唔會呀，幾親切。好多都識，唔識就驚啲喇！」當得知自己是《在晴朗的一天出發》破天荒的首位嘉賓，即表示：「真係好榮幸！」更坦言相信是自己第一次咁早做宣傳。梁朝偉透露平日有早起習慣，只是近才改變：「我以前慣咗早起身，『早』人嚟㗎，唔知點解最近變咗『晏』人。」又稱對自己的改變不太清楚：「真係唔知發生乜嘢事，無端端咁。（有第二啲嘢要做？）唔係呀，你知我個人好情緒化啦！」