陶大宇終圓夢！做醫生講專業名詞被考起 對角色奄尖再拍劇是「時間性問題」
發佈時間：18:55 2023-12-20
憑翻唱一曲《倒轉地球》而備受網民熱捧的「師奶殺手」陶大宇，日前為益生菌品牌「簡和堂」拍攝廣告，先後換上多個造型上陣，當中更收起搞笑作風，以嚴肅和專業的醫生造型示人，藉此傳遞健康訊息。陶大宇直言被醫學專業名詞考起：「有一兩句卡得好犀利，NG咗好多次。專業名詞唔可以錯，要跟得好足，唔可以口語化。」可見陶大宇非常嚴謹。
【相關閱讀】：60歲陶大宇師奶殺手魅力再現！出招冧內地網紅闊太 親熱互動似婚宴
【點擊睇陶大宇醫生造型拍廣告】：
益生菌主理腸道健康，作為藝人工作壓力大兼食無定時，陶大宇卻自言生活規律，腸道健康，完全符合代言人的要求：「我戒煙超過十年，戒煙係畀自己一份好好嘅禮物。我現在生活規律，唔同後生嗰時亂咁嚟，會暴飲暴食，而家好注重飲食，唔會大魚大肉、太肥膩，不過只係靠食係唔得，要加埋運動。」談到可以藉着今次廣告傳遞健康訊息，大宇表示非常開心：「唔一定有病先可以接呢類型嘅廣告，產品無論係男女、小朋友定長者都啱。」
陶大宇感受著醫生袍滋味
廣告中，陶大宇穿起醫生袍，以專業形象示人，對此他大表興奮：「從影咁多年來，多數都係飾演警察同律師，比較少做醫生，只飾演過三次，但都係客串形式，今次終於感受到著醫生袍嘅滋味，拍劇做唔到嘅嘢，今次拍廣告就做到，好開心。」對於自己的醫生造型評價，他笑言：「好少見到真正嘅醫生着醫生袍好睇，多數嘅醫生袍都係比較寬闊，自己想盡量着得好睇啲，所以最重要係稱身同埋乾淨。」
陶大宇想畀快樂人
提到今次的廣告需以認真、專業形象示人，有別於唱《倒轉地球》時的開心歡樂，陶大宇坦言做藝人經常會有不同需要的演繹，而他非常樂意為大眾帶來歡樂：「疫情啱啱過，呢三年大家都捱得好辛苦。如果仲要好緊張嘅氣氛，會令人有壓力，所以想畀快樂人。」
陶大宇對角色好奄尖
此外，提到回港拍劇，大宇坦言很久沒有在港拍劇，他透露現階段一直有接洽不同劇集，只是緣份未到：「我對角色好奄尖，揀嚟揀去，所以好似好耐冇拍劇咁。」至於問到他對角色有何要求？他直言追求輕鬆的角色：「有機會會返香港拍，唔會唔拍，只不過係時間性問題。」
【其他文章】：
劉德華62歲生日會孖陶大宇唱《倒轉地球》 「緋聞情侶」羅蘭與胡楓齊開金口
59歲陶大宇「斷崖式衰老」眼袋皺紋暴現 網民驚呼似70歲老爺爺
陶大宇即將「登六」突然狂操肌！練出麒麟臂Fit過30年前做師奶殺手 網民錯重點：嚟緊想翻唱邊首歌
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
