愛回家丨64歲單立文拍通宵獲老婆開心速遞冬至飯盒揸筷子右手傷勢成焦點

更新時間：13:00 2023-12-23
發佈時間：13:00 2023-12-23

現年64歲的單立文（豹哥）入行40年，近年因參演TVB處境劇《愛．回家之開心速遞》而入屋，最近更打入《萬千星輝頒獎典禮》「最佳男主角」10強。最近少了見他在劇中出現，原來單立文早前難得放假，陪太太胡蓓蔚回上海玩，回港後即要重投拍攝工作，甚至要在冬至通宵拍劇，胡蓓蔚即啟動賢妻Mode，人肉速遞為老公送上愛心飯盒。

【點擊睇單立文夫婦傷勢】：

胡蓓蔚在社交網分享一段下廚影片，並發文寫道：「今年做冬我哋兩個都要開工，所以琴日我決定送飯俾通頂嘅佢，簡簡單單煮咗兩味，蘿蔔炆崩沙腩，蒜蓉炒豆胚，見到佢食得好滋味，我都老懷安慰。祝大家冬至快樂、齊齊整整，冇大魚大肉都好富足」。胡蓓蔚在這麼冷的天氣下仍親自送上愛心飯盒，影片中所見，單立文雖然沒說甚麼，但不停點頭，已令老婆感到滿足，兩人的微妙活動令人感受到他們的溫馨，好友胡杏兒及姚子羚即大讚胡蓓蔚是賢妻。

【點擊睇單立文後生靚仔樣】：

不過，網民都留意到單立文的手指仍未康復：「豹哥手指仲未好返」、「賢妻，豹哥的手指仲末好返，要小心點不要再受傷了豹哥」。單立文曾透露因拍《愛‧回家》時，一張道具椅突然不太穩，他跌倒時用一邊手撐住地下，怎料突然「啪」一聲，其手指骨便移位。雖然經過反覆治療，但現時仍要戴上保護。單立文本身是一名低音結他手，更曾組樂隊藍戰士（Blue Jeans），受傷至今已近九個月，他也曾無奈留言：「我以後仲要彈bass㗎」，而胡蓓蔚則回慰他：「希望再多一個月可以好得七七八八，但係點都返唔到去正常㗎啦⋯⋯你要有心理準備！我唔會嫌棄你嘅」。