星8卦｜「奇萌」藝術家性格唔識搵錢「勢利」貪名牌甘心賣身養家

更新時間：11:30 2023-12-29
發佈時間：11:30 2023-12-29

「奇萌」同「勢利」走埋一齊，已經昇華到家人關係，仲有無愛？互相欣賞，只係多咗個兄同妹，其他係各有空間。「奇萌」一直好依賴女朋友，正如佢好鍾意同阿媽食飯，因為安心，佢對世事向來都好淡泊，想點就點。藝術家從來唔理人情世故，結婚前有個精明阿媽幫佢買樓，而家啲錢都係靠阿媽幫佢儲起，今日都叫衣食無憂，所以佢鍾意做乜都唔多計錢。

相反「勢利」由細到大都好崇拜「奇萌」，好唔容易等佢同所有女友了斷霧水情緣，正式成為佢嘅唯一。問題係「奇萌」無乜錢銀觀念，紅咗之後好大使，有段時間成日俾阿媽鬧，之後好坦白話交畀「勢利」照顧，而用兩母子聯名買嘅樓就死都唔郁，總算維持到生活。

無錢唔緊要，但「奇萌」仲要不停咁使，「勢利」細個窮亦好要面，惟有自己出去搵，加埋同自己嘅男人溝通唔多順利，佢喺外面係有諗過另外泊碼頭，飛起「奇萌」。可惜「勢利」後生都做到好爛，比較企理嘅男人都當係玩吓，千祈唔好認真，搵到錢最後都係返去畀「奇萌」繼續揮霍，好在「奇萌」名氣大過實力，對於唔衰得嘅「勢利」，覺得有個光環，表面過得好就算，自己繼續搵食養家，各自尋開心！

星8卦｜「牛奶仔」為前途同「大喱」扮情侶為真女友終止假新聞蝕章

星8卦｜「絕世」心急嫁「老公」被利用翻身後悔惟有扮低調

星8卦｜「矮人」恃靚仔專食人妻爛賭得罪「阿太」失靠山

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ