順叔陳泉離世丨愛揸車混熟圈內人包攬電視台外景車生意被封交通鉅子廣播道變「陳泉道」

更新時間：21:43 2023-12-31
發佈時間：21:43 2023-12-31

經典處境劇《香港八一》系列中的「順叔」陳泉，今日（31日）傳出離世消息，享年90歲。陳泉的女兒其後透過短訊向《星島頭條》證實消息。在70、80年代常在劇集和電影客串演出的「順叔」陳泉，演出作品包括《家變》、《香港風情畫》、《奇謀妙計五福星》等，當中1975年家計會「兩個就夠晒數」廣告，以及80年代的經典處境劇《香港八一》系列中，飾演「順叔」一角，令人留下印象。而「順叔」陳泉本身是昔日外景客貨車「全通車」的老闆，因經常接載藝人出入，與娛樂圈甚有淵源，最終自己也投身幕前，更在誤打誤撞下成為經典人物。

回顧「順叔」陳泉生前照片：

作為「全通車」老闆的「順叔」陳泉，曾租車予TVB、亞視前身「麗的」、佳視、香港電台、電影公司，作為外景攝製隊的專用車輛。全盛時期，「順叔」陳泉包下整個五台山「廣播道」的租車服務，擁有多達170部車，員工人數超過200人，因此有行內人將廣播道喻為「陳泉道」，甚至封「順叔」陳泉是「廣播道交通鉅子」。「順叔」陳泉對行內人冠以的雅號，曾在訪問中謙虛表示：「我啲車如果泊晒出嚟，成條廣播道都唔夠泊咁滯，所以啲人就成日笑我之嘛，好唔好意思。」

順叔陳泉接載街坊獲機遇

「全通車」的發跡要由「順叔」陳泉的一部客貨車開始講起：「我本身有車，有啲街坊夜晚要生細路或者有啲乜嘢事，就走嚟撳鐘搵我，有個女仔咁啱去電視台表演，佢媽媽唔放心，要我送佢個女去電視台，又送又接，見到啲人慢慢熟咗。電視台後尾發展《歡樂家庭》，四周圍搵嘢拍，我將佢哋介紹去電視台訪問，大家互惠互利嘅時候，我慢慢就同電視台熟咗。」從70年代開始TVB劇集開始有外景拍攝，因此對車輪需求增大，「順叔」陳泉最初由一部車做起，之後在共同發展下越做越大：「佢哋唔係冇車，係唔夠車。」