順叔陳泉離世丨因八卦「順叔」去向仗義客串 投身幕前成就經典角色
發佈時間：22:00 2023-12-31
TVB處境劇《香港八一》系列中不少角色，成為香港人心中的經典，其中一位為人熟悉的「順叔」陳泉，今日（31日）傳出離世消息，享年90歲，陳泉的女兒透過短訊向《星島頭條》證實消息。原為昔日外景客貨車「全通車」老闆的「順叔」陳泉，在70、80年代常在劇集和電影客串演出，當中包括《家變》、《香港風情畫》、《奇謀妙計五福星》等，其中1975年家計會「兩個就夠晒數」廣告，以及80年代的經典處境劇《香港八一》系列中，飾演「順叔」一角，成為其代表作。原來「順叔」陳泉投身幕前，全因租車業務與圈中人變得熟稔，仗義客串下獲得經典角色。
相關閱讀：《香港八一》順叔陳泉離世 與順嫂梁葆貞拍檔變經典 拍家計會廣告成代表作
回顧「順叔」陳泉生前照片：
「順叔」陳泉的經典之作，要數是1975年家計會「兩個就夠晒數」的宣傳短片，「順叔」陳泉吃力地划着超載小艇，滿頭大汗撐住一家大細，一臉無奈地回望舉起兩隻手，為人印象深刻。「順叔」陳泉曾在訪問中談起當年的經典廣告，笑說只是頂硬上：「我幫手搵臨記，個導演拍嚟拍去都唔滿意，我望吓個鐘，日落啦，冇得拍啦，我同班臨記講：『起身起身，我嚟。』嗰度喺沙田畫舫附近，嗰啲水臭到不得了，如果沉咗船就臭死㗎喇，我好驚，好苦，我唔識扒艇，隻艇咪氹氹轉唔會走出電視鏡（頭）囉，點知個導演反而話咁就啱喇。」
順叔陳泉移民加拿大逾30年
已經要打理「全通車」租車業務，自己又喜歡親自落場接載台前幕後，工作量已夠繁重，「順叔」陳泉仍抽時間客串演出，他曾在訪問中自揭原因：「電視台有時欠個人就做唔到，我咪做埋囉。」對於參與《香港八一》系列，由客串變成常駐角色，「順叔」陳泉自爆演出《香港八二》的順叔角色是由自己提出：「我同曾勵珍講，個順叔成日唔見嘅？佢話『我正想搵你呀』，因為個角色係行船，我咪兼住嚟做囉，我又唔志在靠藝員份人工生活。」早年已移民多倫多的「順叔」陳泉，已在當地生活30多年，曾每年返港探朋友，沈殿霞生前主持的節目《友緣相聚》，曾到加拿大採訪「順叔」陳泉兼聚舊。
其他文章：
74歲顏國樑抗癌化療一度甩頭髮 北上被捕獲驚變白頭翁精神奕奕
87歲順嫂梁葆貞驚喜現身！賀好友娶新抱貴婦氣質滿瀉 移居加國生活無憂好輕鬆
「順嫂」梁葆貞罕談亡父梁醒波當年到廣州探望崩潰痛哭 曾拒入TVB怕爸爸冇面
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
