陳寶珠77歲生日完美展現優雅地老去！囝囝楊天經孖老婆家庭裝賀壽 因一事拒開大Party
發佈時間：17:00 2024-01-01
陳寶珠今日元旦（1日）過77歲生日，祝寶珠福如東海、壽比南山！48歲囝囝楊天經今日亦在社交網，貼出與老婆一同為媽咪陳寶珠的在家中慶生照片，一家三口着上家庭裝衛衣慶生。另外陳寶珠亦接受資深傳媒人汪曼玲電話訪問，大談今年未能與粉絲開派對的原因。
相關閱讀：陳寶珠一家三口罕同框！48歲楊天經變發福大叔 50歲老婆保住少女味
陳寶珠77歲生日有甚麼願望？
今日（1）是粵劇明伶陳寶珠的77歲生日，楊天經今年在facebook分享與老婆為陳寶珠的慶生照片，還有兩張母子昔日的合照。楊天經以英文留言說：「我可愛的媽咪生日快樂！身體健康、永遠快樂！」照片見一家三口疑似在家中客廳慶生，三人身後還有不少鮮花，以及陳寶珠昔日的照片。陳寶珠與囝囝楊天經和新抱還着上家庭裝衛衣，非常溫馨，而77歲的陳寶珠雖然已經一頭白髮，但一樣精神奕奕，充滿氣質。
陳寶珠生日與家人過
昔日曾主持有線節目《星級會客室》的資深傳媒人汪曼玲，今日開設YouTube Channel《快拍。曼鏡頭》，頭炮找來與她關係要好、今日生日的陳寶珠接受電話訪問。汪曼玲提到陳寶珠近年已經沒有再開生日派對與粉絲慶祝，陳寶珠解釋：「因為疫情一直唔敢同太多人一齊，好容易感染，要小心啲。我又覺得有返咁上下年紀，唔好搞咁多，一家人食飯都一樣。」陳寶珠又指今日生日與楊天經、新抱外出食飯：「但就人少少囉，都好溫馨。」
陳寶珠掛心粉絲健康
對於粉絲失去一個每年一度見陳寶珠的盛事，陳寶珠直言無辦法：「疫情時時都改變，自己都要小心身體，我啲戲迷大部份同我咁上下年紀，我亦都好擔心佢哋健康。因為佢哋一見到我就好興奮，我見到佢哋又好開心，我唔想佢哋跌倒或者有感染，咁就唔好啦！」不過陳寶珠亦都好掛住粉絲，還提出解缺方法：「有啲公開活動，佢哋知道咪去，喺嗰度見。」
陳寶珠與囝囝關係有幾好？
今年過77歲生日的陳寶珠，生日願望相當有大愛：「希望世界和平，唔好再有戰爭，疫情快啲消失，每家每戶都健康快樂、平平安安，過一個好安穩嘅日子，亦希望冇天災人禍。」近年成為「優雅地老去」的最佳代表，陳寶珠開心說：「好開心！好多謝大家咁樣讚賞我，其實我都係平常心，無特別奢求，無特別慾望，淨係好開心、好平淡過每個日子。」
陳寶近心態平靜
陳寶珠直言近年喜歡待在家中：「我又唔係好鍾意咁多人，鍾意靜靜地喺屋企，做我日常嘅嘢，平平淡淡，心情同心態都係平靜嘅。我無咩諗㗎，就算唔開心都係剎那間。當然我亦無好大嘅事令我唔開心，你知道啦，年紀大有少少小器，哈哈哈！」不過被問到有甚麼小事令她不開心事，陳寶珠又說：「又無乜特別唔開心，譬如報章或者其他任何講嘅嘢，我都一笑置之，無乜所謂，因為無個人對你嘅睇法、感覺唔同，唔可以要個個都睇好，或者欣賞你。不過你知道啦，有時老人家……哈哈。」陳寶珠亦多謝一班朋友、粉絲的厚愛：「我個仔又好錫我，新抱又對我好，仲有啲乜嘢啫，夫復何求。」
其他文章：
76歲陳寶珠獲逾百人追星！多位白頭精靈老人拉橫額應援 開心見證粉絲抱孫
陳寶珠黑色晚裝襯珍珠貴氣現身慈善晚宴 53歲莫文蔚透視玲瓏浮凸好身材
任劍輝逝世34周年｜白雪仙備燒豬低調悼摯友 愛徒傍實高貴打扮激回春
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
