柳俊江逝世｜黃夏蕙憶與柳俊江拍外景 2度嚴寒天氣體貼問：需唔需要俾件衫你？

更新時間：01:52 2024-01-06
發佈時間：01:52 2024-01-06

柳俊江昨日（5日）在大埔住所內燒炭輕生，終年42歲。柳俊江逝世消息傳出後，震驚娛樂圈。曾與柳爺合作的黃夏蕙今日（6日）凌晨發文悼念柳俊江，更提及2018年時與柳俊江同場拍攝外景的一段回憶。

柳俊江生前照片：

黃夏蕙發文表示，她與柳俊江曾在2018年一同在內地拍攝電影《我的分享男友》，黃夏蕙形容當時天氣極寒冷，只有2至3度。她說：「當時我搶哂經理人肥豬嘅暖包貼喺身上，搞到肥豬凍到兩行鼻水不斷流，當時江仔都係（喺）外景現場拍攝，佢仲問我：夏蕙BB，你夠唔夠暖啊？需唔需要我比件衫你着？」

黃夏蕙讚柳俊江是「溫暖男神」，她續說：「記得當時候，我仲笑佢，點解你咁高嘅？」黃夏蕙指：「人總要向前望，喺呢一刻，我只係記得我同你共事嗰陣嘅歡笑，願你一路好走，走到一個令你開心嘅世界。」

同時，黃夏蕙亦在帖文中分享當時兩人拍攝的照片，更以「柳俊江小朋友」稱呼柳俊江並說「永遠懷念你」。

黃夏蕙發文悼念柳俊江全文：

事隔幾年，在眼前這個你 - 江仔........

仲記得2018年一月份，當時嘅天氣應該只有2-3度，Aka撮合左我同江仔，喺國內拍咗一部電影叫「我的分享男友」，當時我搶哂經理人肥豬嘅暖包貼喺身上，搞到肥豬凍到兩行鼻水不斷流，當時江仔都係外景現場拍攝，佢仲問我：「夏蕙BB，你夠唔夠暖啊？需唔需要我比件衫你着。」溫暖男神稱號，當之無愧！記得當時候，我仲笑佢，點解你咁高嘅？今日收到你嘅死訊，人總要向前望，喺呢一刻，我只係記得我同你共事嗰陣嘅歡笑，願你一路好走，走到一個令你開心嘅世界。貼上當日未公開嘅照片，送俾你同鍾意你嘅朋友，一齊欣賞吓當日我哋嘅歡笑同點滴。

永遠懷念你 - 柳俊江小朋友。

其他文章：

柳俊江逝世丨去年疑與女友分手搬離愛巢結束三年情一度愛得高調常晒愛

柳俊江以放閃文反擊前妻多謝現任女友陪伴：未來可以更好

柳俊江前妻雷康怡被指出軌導致離婚　事隔兩年暗批前夫博同情

防止自殺求助熱線：

「情緒通」熱線：18111

香港撒瑪利亞防止自殺會： 2389 2222

生命熱線： 2382 0000

明愛向晴軒： 18288

社會福利署： 2343 2255

撒瑪利亞會熱線（多種語言）： 2896 0000