星8卦｜「乖仔」「哥哥」兄弟情斷　紅顏禍水搬弄是非玩離間

更新時間：11:30 2024-01-09
發佈時間：11:30 2024-01-09

娶妻求淑婦，如果揀咗個麻煩女人，真係連兄弟都無得做。「乖仔」同「哥哥」咁多年感情都好好，男人向來係無乜計較。但自從「哥哥」同「麗麗」拍拖之後，成個人都唔同咗，因為女方比較控制狂，成日喺度幫男朋友過濾交友，所以身邊傾得埋嘅越嚟越少。「乖仔」份人老老實實，「麗麗」又覺得人氣夠，同男友做朋友就冇蝕嘅，所以兩Pair情侶成日喺屋企開party。

「麗麗」平時冇乜嘢好做，就靠幫人介紹吓好嘢搵些少外快，反正「哥哥」養得起佢有餘。有次「麗麗」又慣性將自己要搵食嘅嘢周圍放，佢又冇心話要借嗰班朋友幫手，但咁啱其中有啲嘢「乖仔」唔可以置身其中，所以開聲話怕招惹麻煩。

一向計較嘅「麗麗」聽咗唔舒服，記在心中，從此日日喺男友面前數「乖仔」有乜唔好，向來大部分朋友已被「麗麗」隔絕嘅「哥哥」聽得多就入晒腦，連一齊食飯嘅時間都好被動，甚至唔出現，久而久之「哥哥」直情同以前班兄弟姊妹失聯。「乖仔」話知你，反正而家事業愛情兩得意，唔抵得要不平則鳴嘅係一班好好感情嘅手足，話一定要唱衰「哥哥」有女人無朋友，超級老土。

星8卦｜「歌后」欲擒先縱氹掂「二代」棄「花旦」娶自己高招

星8卦｜「才子」嫌棄「斯文」老土偷嗒野性新歡陷三角關係不自知

星8卦｜「奇萌」藝術家性格唔識搵錢「勢利」貪名牌甘心賣身養家

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ